Náttúrufræðingurinn - 1956, Page 15

Eysteinn Tryggvason:
Jarðskjálftar árín 1954 o£ 1955
JA RÐSK JÁLFTAMÆLINGA R.
Starfræksla jarðskjálftamæla í Reykjavík var óbreytt frá árinu
1953 (Náttúrufræðingurinn 1954 bls. 1). Mældust þar um 500
jarðhræringar árið 1954 en um 365 árið 1955. Mikill meiri hluti
þessara hræringa átti upptök á íslandi, eða í næsta nágrenni þess,
en úr rneira en 500 km fjarlægð mældust um 150 jarðskjálftar fyrra
árið, en um 70 árið 1955. Þessi mikli munur á fjölda fjarlægra jarð-
skjálfta stafar einkum af því, að árið 1954 voru jarðskjálftar tíðir
á hafsbotni skammt vestur af Jan Mayen og um 550 km. norður af
íslandi. Um 60 jarðskjálftar mældust frá þessum upptökum.
Á Akureyri var settur upp jarðskjálftamælir sumarið 1954 og
hófst starfræksla hans 13. júlí. Mældust þar um 90 jarðskjálftar árið
1954, en af þeim komu 57 á tímabilinu 20.—27. ágúst frá upptökum
vestur af Jan Mayen, en 550—600 km norður frá Akureyri. Árið
1955 mældust um 70 jarðskjálftar á Akureyri.
Annar mælir var settur upp í Vík í Mýrdal í júnílok 1955. Var
sá mælir mjög ónákvæmur fyrstu mánuðina, en eftir viðgerð, sem
fram fór seint í september reyndist hann sæmilega. í Vík mældust
6 jarðskjálftar þrjá síðustu mánuði ársins 1955.
Jarðskjálftamælarnir á Akureyri og í Vík eru þeir sömu og starf-
ræktir voru í Reykjavík allt til ársins 1952. Þeir eru ekki eins ná-
kvæmir og æskilegt hefði verið, en koma þó að miklum notum við
ákvörðun jarðskjálftaupptaka á íslandi.
JARÐSKJÁLFTAR, SEM FUNDUST Á ÍSLANDI.
Árið 1954 fundust venju fremur margir jarðskjálftar á landinu,
en allir voru þeir vægir, og ekkert tjón hlauzt af völdum þeirra.
Mestu jarðskjálftarnir komu 29. og 30. október og 21. nóvember
og voru upptök þeirra allra á sömu slóðum í eða nálægt Innsta-
dal í Hengli.
Kunnugt er, að jarðskjálftar ltafi fundizt einhvers staðar á land-