Náttúrufræðingurinn - 1956, Side 40

100
NÁTTÚRUFRÆÐIN GURINN
en áður, og mun liið óvenju hlýja sumar hafa valdið — C.
pilulifera Dúnhulstrastör. — Var einnig óvenju stór-
vaxin eystra og virtist algeng í Norðfirði.
3. í mýradrögum uppi í Hvannárhlíð á Jökuldal vex mikið af
einkennilegri stör, sem virðist vera bastarður af Carex Lyngbyei
og C. rigida. í blómaxi hrossanálar sást þarna víða lítill maðkur,
grár, með svartan haus.
4. Hordeum jubatum í k o r n a b y g g . — Nýrækt að Merki á
Jökuldal.
5. Cerastium glomeratum H n o ð a f r æ h y r n a . — Nýrækt að
Skálafelli í Suðursveit og Tjörn á Mýrum í Hornafirði. Ófund-
in áður á þeim slóðum.
6. Aegopodium podagraria Geitakál. — Sá það hér og hvar
í Neskaupstað og nú nýlega hér í Reykjavík. Það var áður fundið
í Fáskrúðsfirði, Mjóafirði, á Akureyri og Siglufirði og virtist
hvarvetna sá sér og breiðast út. Mun hafa borist með Norðmönn-
um til Austfjarða í fyrstu. Ekki getið í Flóru íslands.
7. Anthriscus silvestre Skógarkerfill. — Er einnig nýlegur
í landinu, en breiðist nú út í Reykjavík og víðar. S. 1. sumar sá ég
mikið af honum í kirkjugcjrðunum í Hnífsdal og að Stað í Súg-
andafirði.
8. Lamium purpureum Akurtvítönn. — Breiðist ört út,
einkum á SV.-Iandi. S.l. sumar var hún komin að Eiðum á Fljóts-
dalshéraði og t. d. til Hnífsdals og Kinnarstaða á Vestfjörðum.
9. Achillea ptarmica Silfurhnappur. — Óx í nýrækt að
Merki á Jökuldal. Lomatoganium rotatum Blástjarna
og Gentiana nivalis Engjavöndur. — Mjög algeng á
Jökuldal.
10. Á Bíldudal sá ég h ó f f í f i 1 (Tussilago farfara), krossfífil
(Senecio vulgaris) og b 1 ó ð k o 11 (Sanguisorbia officinalis) í og
við garða. Krossfífil einnig á Reyðarfirði.
11. Matricaria svaveolens Gulbrá. — Nemur stöðugt nýtt land.
Sá hana í Sauðlauksdal og Hnífsdal á Vestfjörðum, Skjöldólfs-
stöðum og Hofteigi á Jökuldal, Flatey á Mýrum í Hornafirði
og í Breiðabólstaðahverfi í Suðursveit. Gulbráin fannst fyrst
í Reykjavík um aldamótin, en hefur nú tekið sér bólfestu í
öllum landsfjórðungum. Algengust í kaupstöðum suðvestan-
lands.