Náttúrufræðingurinn - 1968, Page 33

NÁTTÚRUFRÆÐINGURINN
27
3. mynd. Nashyrningseðla.
að dýr þetta liafi haft langa tungu, og með henni hafi það seilst
í trjágreinarnar og bitið þær svo af með hornskoltunum.
Til trölleðlanna telst einnig kambeðlan eða Stegeosarurus, mynd-
arleg eðla um 10 rnetrar á lengd. Blómaskeið hennar var í lok
Juratímans. Hún hafði lítið höfuð eins og þórseðlan, en var aftur
á móti hálsstutt. Hryggurinn var mjög kúptur og í spjaldhryggnum
var stærðar heilabú — líklega 10 sinnum stærra en það sem var í
höfðinu. Eftir endilöngu bakinu voru stórir, aðgreindir bein-
kambar, klæddir hyrni. Þessir beinkambar stóðu upp á rönd og
náðu alla leið aftur á rófu. Rófan var fremur stutt og aftari hluti
hennar settur mörgum sterkum og hvössum beingöddum; annars
var húðin með dreifðum beinplötum, göddum og broddum. Kamb-
eðlan hefur verið grasæta, það sýna tennurnar; þær eru 92 að tölu
og smáar og virðast ekki liafa verið til mikils gagns í viðskiptum
við óvinadýr.
Árið 1887 fundust í Colorado tvö steingerð horn, og liéldu rnenn
í fyrstu, að þau væru af spendýri, t. d. af útdauðri vísundar-tegund.