Tímarit kaupfjelaga og samvinnufjelaga - 01.04.1909, Side 18

86
vinnufjelögin ti! þess að sinna þessu niáli og gefa nokk-
urar verulegar upplýsingar. Menn eru, nærri því almennt,
svo tregir og tómlátir í því að safna saman efninu í
yfirlitsskýrslu og senda þetta svo frá sjer. Pess vegna
væri það æskilegt að öllum samvinnufjelögum, hjer á
landi, —kaupfjelögum, smjörbúum ogsláturhúsfjelögum,—
væri gert að lagaskyldu, að gefa árlega sundurliðaðar
skýrslur um alla starfsemi sína og rekstur, ásamt yfirliti
yfir hag fjelagsins við hver reikningslok. Skýrslur þessar
ættu svo að sendast Stjórnarráðinu eða jafnvel Búnaðar-
fjelagi íslands. Til hægðarauka og ljettis væri sjálfsagt
að gefa út eyðublöð undir skýrslurnar.
Skýrslur þessar, sem hjer er gert ráð fyrir, mundu
gera hvoru tveggja: að frœða almenning um skipulag
og starfsemi samvinnufjelaganna og hvetja margan mann
til þess að ganga í þess konar fjelagsskap og styðja
hann. Væri þá eigi með öllu til ónýtis unnið.
Annars vonum vjer allir, sem unnum samvinnufjelags-
skap, að hann eigi góða framtíð hjer á landi, og að
með honum og fyrir hann verði margt framkvæmt sem
horfir landi og þjóð til gagns og blessunar.
Sigurður Sigurðsson.