Tímarit kaupfjelaga og samvinnufjelaga - 01.04.1909, Síða 23

91
Sambandskaupfjelagið ályktaði, á síðasta aðalfundi sín-
um (23. tölul.), að gera enn ýtqrlegri tilraun en áður til
þess, að fá samræmislegar hagskýrslur frá sambands-
deildunum. Var þar gert uppkast að listaformi, er síðan
skyldi prenta og senda sem eyðublöð í deildirnar. Af
þessu efni á því næst að búa út eina aðalskýrslu, sem
lögð sje fram á aðalfundi sambandsins og jafnframt birt
í tímariti fjelagsins.
Eyðublöð þessi eru nú þegar prentuð og send flestum
kaupfjelögum á landinu, af stjórn sambandsins, er von-
ast eptir því að flest fjelög víkist vel við þessu erindi,
þar sem verkið verður nú mun auðveldara, þegar eyðu-
blöðin eru fengin.
Svör fjelaganna, viðvíkjandi árinu 1908, þyrftu að koma
til framkvæmdarstjóra sambandsins eða ritstjóra tímarits-
ins, eigi síðar en í næstkomandi Novenbermán.; en svörin
fyrir árið 1909 þyrftu að koma fyrir miðjan Maímán. 1910.
Auðvitað er sundurliðunin á eyðublöðunum ekki tæm-
andi, en á þeim er þá rúm fyrir viðauka, þar sem þess
er þörf. Aptur á móti verður að sjálfsögðu, ekkert sett
á eyðublöðin út frá þeim töluliðum, sem ekki eiga við í
einhverju fjelagi. Aptast á eyðublöðunum er talsvert rúm
fyrir athugasemdir og skýringar frá hálfu þeirra er fylla út
skýrsluna. Ætti ekki að spara þesskonar, þar sem þörf
virðist til, nje heldur hlífast við því að koma fram með
fyrirspurnir til sambandsstjórnarinnar viðvíkjandi því, sem
ógreinilegt þykir, eða þá alls ekki er fram tekið á eyðu-
blöðunum.
Til fróðleiks og skýringar, fyrir lesendur tímaritsins,
en einkum fyrir samvinnufjelagsmenn yfir höfuð, flytur
tímaritið hjer á eptir innihaldið at eyðublöðum þessum,
sem nú eru send út til samvinnufjelaganna.
Eins og áður er vikið að, verða samvinnufjelagsmenn
að taka almennt upp kröfuna um hreina og greinilega
reikninga fyrir fjelagsskap sinn, ásamt yfirlitsskýrslum,
sem frjáls og opinber aðgangur sje að. Hver einstakling-