Neisti - 01.06.1968, Blaðsíða 8
SKIPULAGSBREYTING ER NAUÐSYN
Öllum hugsandi mönnum í verkalýðssamtökunum er ljós nauðsyn þess,
að samtökin hagi skipulagi sínu og starfsháttum á hverjum tíma þannig, að
afl það, sem þau geta ráðið yfir, nýtist sem bezt fólki því, er samtökin
skipa, til hagsbóta.
Þeir, sem viðurkenna þessar augljósu staðreyndir, hljóta einnig að gera
sér grein fyrir því, að núverandi skipulag — eða öllu heldur skipulagsleysi
— samtakanna, er ekki í neinu samræmi við þá atvinnubyltingu, sem átt
hefur sér stað hér á landi síðustu áratugina. Sú þróun verður ekki stöðvuð.
Þvert á móti hlýtur tækniþróunin að segja til sín hér á landi í vaxandi
mæli á næstu árum, nýjar atvinnugreinar að koma upp og verkaskipting
að aukast, jafnframt því sem atvinnuskipting þjóðarinnar hlýtur að taka
enn stórfelldum breytingum.
Ætli verkalýðssamtökin að vera hlutgeng í því þjóðfélagi, sem þannig
er að mótast, verða þau að aðhæfa sig þessari þróun, skera af sér van-
kanta, sem þegar eru í ljós komnir, og byggja skipulag sitt og starfshætti
þann veg, að samtökin geti mætt hverjum nýjum viðhorfum með fullum
styrk. Hér er ekki nægjanlegt, að samtökin geti aðlaðað sig breyttum að-
stæðum. Þau þurfa að vera á undan þróuninni, gera sér á hverjum tíma
grein fyrir hvert hún stefnir og haga viðbrögðum smum samkvæmt þvi.
Aðeins með þeim hætti geta verkalýðssamtökin tryggt meðlimum sínum
rétta hlutdeild í þeim vaxandi framleiðsluverðmætum, sem tækniþróunin
á að hafa í för með sér.
Viðtal vid Björn Jónsson
formann Verkalýðsfélagsins Einingarinnar á Akureyri.
" Varð grundvallarágreiningur um skipulagsmálin á framhaldsþingi Alþýðusam-
bandsins s.l. janúar? "
Grundvallarágreiningur var a.m.k. á milli þeirra sem stóðu að áliti skipulags-
nefndarinnar og hins vegar þeirra sem greiddu atkvæði gegn ályktuninni og voru
fulltrúar fyrir um 4000 meðlimi. Agreiningurinn var fólginn íþv£ að minnihlut-
inn er ekki þeirrar skoðunar, að landssambönd eigi verulegan rétt á sér, og telur,
að svæðasambönd eigi að vera uppistaðan \ samtökunum.
Hins vegar voru einnig skiptar skoðanir meðal þeirra sem samþykktu stefnuyfir-
lýsinguna i'-þinglok. Fyrir þinginu lá sem umræðugrundvöllur uppkast að nýjum
lögum. Þessi umræðugrundvöllur hafði verið samþykktur af 28 manna nefndinni,
en gat ékki skoðast sem bein tillaga og hcföu einstakir nefndarmenn því óbundnar
hendur um.afstöðu til einstakra atriða í frumvarpinu.
Verkefnið sem nefndinni hafði verið ætlað að lcysa á grundvelli ályktana fyrri
hluta þingsins reyndist bæði erfiðara og tímafrekara en svo að henni tækist að
ljúka því á viðunandi hátt. Hins vegar tel ég líklegt að ef meiri tími og vinna hefðu
8