Neisti - 01.06.1968, Blaðsíða 50

völl samhliða endurskipulagningu fræðslukerfisins f heild. Hvað um
námsefnið sem kennt verður? spyrja vafalaust margir. Þvi er til að
svara að á þessu stigi er ekki hægt að gefa neinar tæmandi upplýsingar
þar um vegna þess að formaðar tillögur hafa ekki verið afgreiddar f
þeim málum.
Ég tel þó fulla ástæðu til að vera bjartsýnn á að á þvi sviði komi til
framkvæmda verulegar breytingar til bóta. Fullyrða má tvennt 1 þvi
sambandi með nokkurri vissu. X fyrsta lagi það að og inntökuskilyrði
iðnskóla verða aðlöguð miðskólunum að svo miklu leyti sem það er
hægt vegna feiknarlegs ósamræmis í þeim málum og f öðru lagi standa
vonir til að námsefnið, prófkröfur o.fl. verði samræmt skólastigum
sem eru fyrir ofan iðnskóla svo sem tækniskóla o.fl.
Ef af þessum breytingum verður verða iðnskólarnir hlekkur í hinu
almenna skólakerfi f landinu en ekki eins og verið hefur, sér einangr-
að fyrirbæri úr öllum tengslum við aðrar fræðslustofnanir.
Ef búast má við þessum breytingum á bóknáminu má þá gera ráð fyrir
þvf að skriður komist á verknámsskólann með haustinu, kunna menn
að spyrja? Erfiðara er að gera sér grein fyrir þvf máli, fyrst og
fremst vegna þess að framtíðarhúsnæði verknámsins er ekki fyrir hendi.
En eins og getið er um hér að framan er hugsanleg lausn á þvf máli
sú að hefja kennslu f bráðabirgðahúsnæði svo bölvað sem það nú er.
Allavega má búast við þvf að þeirri tilraun sem staðið hefur f Lands-
smiðjunni f vetur verði haldið áfram á næsta skólaári.
Það orkar ekki tvfmælis að iðnfræðslulögin nýju eru mjög gott spor fram
á við og gefa mikla möguleika til að koma fram breytingum til bóta ef
fjármagn og vilji er fyrir hendi.
Að endingu þetta. Þó að löggjöfin sé góð skulu menn ekki búast við of
skjótum breytingum. Ef uppfylla á öll hennar ákvæði á stuttum tfma
þarf til þess óhemju fé, og þeir peningar liggja áreiðanlega ekki á lausu
á næstu árum.
50