Andvari - 01.04.1962, Side 17

ANDVAHI SULLAÐ SAMAN í JÓLAFRÍI 15
alvöruþrungna sönglags Ástu í stað þess sem Steingrímur skrifar hjá sér og
lýsir þunglyndislegri uppgjöf. Uppreist Ástu og heiftarlegar ásakanir í garð
sýslumanns, sem nú standa næst söngnum í leikgerðinni 1864, kann allt að
vera innskot, en ekki verður séð, hvað þar hefur verið áður. Það atriðið, sem
einna helzt gefur tilefni til efasemda um leikræn áhrif er samtal Sigurðar í
Dal og Lárenzíusar (8. atriði), þar sem Sigurður kemur inn og tilkynnir „ný
tíðindi í málinu“, að Haraldur játi óbeinlínis að Skugga-Sveinn sé faðir sinn.
Leikatriðið er óþarft nema til þess að kljúfa sundur þrjú eintöl, sem annars
myndu reka hvert annað.
Það hefur einatt verið litið svo á leiklausnir „Utilegumannanna“, að þær
væru heldur en ekki flausturslegar. Vafalaust hafa þær ekki verið betur húnar
undir í fyrstu gerð. Hafa verður í huga, að hér var á ferðinni ósvikinn skólapilta-
leikur og höfundur kominn á fremstu forvaða með leikritunina.
Samverkamaðurinn, Sigurður málari, málaði jöfnum höndum leiktjöldin
og Matthías samdi eða skrifaði — og blekið var ekki þurrt á örkinni, þegar leilc-
félagsformaðurinn þreif hana handa leikendum til að læra og æfa.
Lolcið á gamlárskvöld 1961.