Andvari - 01.04.1962, Side 108

106
ÞORSTEINN VALDIMARSSON
ANDVARI
Róa nú báðir á sprökumið
og reyna til með sér.
Karlinn dregur svo pipurlega
að postula dugar ver.
— Fögur leikur flyðran þar við tauma.
Pétur hankar þá fœri sitt
og leysir öngul af;
brá svo hnút á taumendann
og dró sem óðast gaf.
— Fögur leikur flyðran þar v'ð tauma.
Bjó nú karl um vað sinn eins
og báðir dorga af móð —
heilagfiskið rafabreitt
á hvorum hnúti stóð.
— Fögur leikur flyðran þar við tauma.
Lék þá postuli lítið bragð
og leysti hnút af streng,
heitir á Krist og hendir út
og hefur nú mestan feng.
— Fögur leikur flyÖran þar við tauma.
En sem veslings aflakarl
þar eftir breyta skal,
fœr hann ei nokkurn fiskinn upp
og féllust hendur og tal.
— Fögur leikur flyðran þar við tauma.
Blœr leið af sviði fram
sem blíðast anda má:
Veiða muntu þorsk með Pétri
á þurru héðan í frá.
— Svo var hann til helgrar trúar unninn.