Andvari - 01.01.1952, Blaðsíða 14

10
Steingrímur Steinþórsson
ANDVAHI
starfs, hafa notið sín ágætlega við undirbúningsstarf að stofnun
Eimskipafélags Islands og aukið traust hinna eldri manna, er að
félagsstofnuninni stóðu, á honum, til þess að verða foringi þess-
ara mikilvægu samtaka. Má þakka að miklu leyti framtaki og
forustu Sveins Björnssonar, að svo giftusamlega tókst til, að á
árunum 1912—1914 var stofnun Eimskipafélagsins undirbúin
það vel, að félagið gat telcið til starfa áður en ógnir heimsstyrjald-
arinnar fyrri skullu yfir þjóðina með fullum þunga.
Þá var Sveinn Bjömsson helzti frumkvöðull að stofnun Sjó-
vátryggingarfélags íslands. Áður störfuðu hér aðeins erlend vá-
tryggingarfélög og rann því allur ágóði af hverskonar trygging-
um til útlanda. Sveinn var í stjóm Sjóvátryggingarfélags íslands
frá stofnun félagsins og til 1920 og aftur 1924 til 1926. Þá var
hann á þessum árum aðalhvatamaður að stofnun Hins íslenzka
flugfélags h.f., Bifreiðafélags Islands, Vélaverkstæðisins Hamar
h.f. og ísafoldarprentsmiðju h.f. Ýmis fleiri fyrirtæki mætti nefna,
er Sveinn Björnsson beitti sér fyrir að koma á laggirnar á þessum
árum og hafa reynzt styrkar stoðir undir atvinnulífi þjóðarinnar
síðan. 011 þessi starfsemi lýsir greinilega hinurn bjartsýna, áræðna,
en þó varfærna framfaramanni, sem sér og skilur, að því aðeins
getur þjóð vor reist sig við og orðið sjálfstæð, að hún atvinnulega
og fjárhagslega geti staðið á eigin fótum, en þurfi ekki allt til
annarra að sækja. Forstjóri Brunabótafélags íslands var Sveinn
Björnsson árin 1916 til 1920 og aftur 1924—1926, enda var hann
einn aðalhvatamaður að stofnun Brunabótafélagsins. Þá stóð
hann og ásamt öðrum að stofnun Rauðakross íslands árið 1925,
þegar hann dvaldi hér á landi. Þetta er þurr og leiðigjörn upp-
talning, en er þó nauðsynleg til þess að gera sér grein fyrir,
hversu djúp spor til framfara og menningarauka Sveinn Björns-
son hefur markað á árunum frá 1910 eða þar um bil og fram
um 1920.
Sveinn Björnsson var lcosinn lyrri þingmaður Reykvíkinga
við aukakosningar 1914. Var það mjög í samræmi við uppruna
og uppeldi hans, að hann gæfi sig að stjómmálum. Hefur hinn