Andvari - 01.01.1943, Side 30

26
Einar Hjörleifsson Kvaran
ANDVAHI
fyrirlesari og mælskumaður og las allra manna bezt upp. Hvort
sem hann flutti ræður eða las upp, tókst honum ætíð að blása
lífi í það, sem hann fór með, og vekja óskipta athygli áheyr-
enda sinna.
Ég veit ekki, hvað það verður, sem íslenzk þjóð hugsar og
les, eftir að núverandi umbrotatímar eru liðnir og nýr og ró-
legur tími rennur upp yfir blóði drifna jörð. En von mín er
sú, að sá sannleikur, sem gáfumaðurinn og göfugmennið Einar
Hjörleifsson Kvaran leitaði að og fann, megi setjast að völdum
í hugum komandi kynslóða. Þá mun andi mannúðar, umburðar-
lyndis og kærleika lækna sárin og gatan verða bein og breið
til varanlegrar menningar.