Andvari - 01.01.1943, Page 98

94
Stofnun lýðveldis á íslandi
ANDVARI
verði um þjóðlegt frelsi vort, fylkja oss þétt saman um vernd
jiess, án þess að láta jiað leiða til einangrunar- og innilokunar-
stefnu.
IJað mun von bráðar reyna á íslendinga í þessum efnuin.
Sum stórveldi munu þegar hafa ágirnd á flugvöllum og flota-
höfnum hér. Hvalfjörður og Keflavík liafa nú sama gildi og
Grímsey forðum, og flugvélar og bryndrekar nútímans eru
ólíkt skæðari langskipum þeim, er vér óttuSumst þá.
Framtíð þjóðar vorrar getur oltið á því, að lnin standi nú
þegar sameinuð um aðgerðir sínar á ölluin þessum sviðum. Og
það er rétt að minna á það, þótt eigi heyri það beinlínis undir
verkefni þessarar greinar, að samtímis aðgerðum vorum í sjálf-
stæðismálinu út á við, þarf að l'ara fram stórfelld efling þjóð-
legrar menningar í landinu, þjóðarátak í menntamálum vorum,
er miði að því að opna öllum íslendingum aðgang að menntun
og menningu, opna alla skólana fyrir æskulýðnum, — gera
menningu íslendinga að sámeign alþjóðar.
Stofnun lýðveldis á íslandi í síðasta lagi 17. júní 1944 er
lokaþátturinn i sjö alda frelsisbaráttu lands vors, kórónan á
það verk, sem undanfarnar kynslóðir íslendinga hafa verið að
vinna, við svo óendanlega miklu erfiðari skilyrði en vér. For-
tíð vor, saga og arfur allur lcrefst jiess af núverandi kynslóð
íslendinga, að hún standi sem einn maður um að ljúka þessu
frelsisverki.
Stofnun lýðveldis á íslandi fyrir stríðslok er upphafið að
þátttöku íslendinga sem opinberlega viðurkenndrar, sjálfstæðr-
ar þjóðar í alþjóðlegu stjórnmálalifi, byrjun á nýrri baráttu
fyrir frelsi lands vors: fyrir að varðveita og tryggja sjálfstæði
þess. Framtíð þjóðar vorrar, velferð og frelsi niðja vorra, krefst
þess af þeirri kynslóð, sem nú lifir og stjórnar málefnum ís*
lendinga, að liún leggi grundvöllinn að þeirri frelsisbaráttu, svo
vel og örugglega sem hægt er að gera í þeim heimi, sem valdið
enn Jiá drottnar í.