Fálkinn - 20.07.1960, Síða 27
SKEÐ
15. JÚLÍ — 1099 tóku
irossfararherir Jerúsal-
em og þar með var fyrstu
krossferðinni lokið, þremur árum eftir að
kirkjuþingið í Clermont hafði efnt til
þessa blóðuga fyrirtækis. Þegar atlagan
var gerð að Jerúsalem voru aðeins 15.000
hermenn eftir, eða tíundi hluti þess hers,
sem lagt hafði af stað í krossferðina. Hin-
ir höfðu ýmist farist af vosbúð og sjúk-
dómum eða fallið í orustum. Fall Jerúsal-
em kostaði miklar blóðsúthellingar því að
krossfarar strádrápu nær alla ókristna
menn guði til dýrðar, blóðlækirnir runnu
eftir götunum i tvo daga samfleytt. Svo
kom sunnudagur og krossfararnir þvoðu
af sér blóðið og héldu svo sigurhátíð að
kristnum sið.
En á mánudaginn hófst blóðbaðið aftur.
Ci tr ■pv • 16. JÚLÍ — 1916 komst
XVll/Í/ • pýzki „kaupfarskafbátur-
inn“ Deutschland til
Ghespeakevíkur og þaðan til Baltimore.
Kafbáturinn hafði meðferðis milljón doll-
ara virði af anilínlitum, sem engir kunnu
að framleiða þá, nema Þjóðverjar, og svo
ýms lækningalyf. Með þessari för hafði
kapteinninn, König hét hann, unnið það
þrekvirki að sigla kafbáti yfir Atlantshaf
í fyrsta sinn og komast gegnum allar varð-
línur Breta. Þann 6. nóv. sama ár var leik-
urinn endurtekinn, og komst Köning þá
til New London með álíka farm og í fyrra
skiptið. Eftir þessar ferðir hófst hryðju-
verkaöld kafbátanna í fyrri heimsstyrjöld-
inni.
nyp t\ • 17. JÚLl ■— 1676 voru all-
A fv T 9 ' ir Parísarbúar á stjái til
þess að hprfa á aftöku
Marie Margarete D’Aubry, markgreifafrú
af Brinviller. í hefndarskyni og af ágirnd
hafði hún myrt föður sinn með köldu blóði
— hann var háttsettur embættismaður -—
og sömuleiðis myrt báða bræður sína og
reynt að myrða systur sína. Meðan hún
var að prófa eitrið lógaði hún möreu fólki,
sem hún notaði sem tilraunadýr. Til dæmis
eitraði hún í stórum stíl brauð, sem hún
síðan lét útbýta meðal fátækra. Enginn sá
henni bregða þegar hún lagðist. á högg-
stokkinn. Hún var brennd og vindurinn
látinn feykja öskunni. En síðar þóttust
ýmsir þó eiga bein úr henni og geymdu
þau sem minjagripi, því að þeir töldu þetta
ódæðiskvendi heilaga manneskju.
Q TT TJ» pv I 18. JÚLf — 1836 dó Lund-
^ iv r>T * . úna-víxlarinn Nathan
Rotschild, sá ríkasti og
fremsti þeirrar frægu auðmannaættar. —
Fátt gerðist í fjármálum án þess að Nath-
an Rotschild væri við það riðinn og kóng-
ar og ríkisstjórnir betluðu hjá honum lán
gegn okurvöxtum. Nathan R. var fyrsti
fjármálamaðurinn, sem sá hve mikilsvert
það var að fá fréttir frá fjarlægum lönd-
um. Skipstjórar voru í þjónustu hans og
BÖgðu honum fréttir undir eins og þeir
komu í höfn, og hann notaði bréfdúfur til
að færa sér fréttir úr höfuðborgunum á
meginlandinu. Frægastur varð hann í sam-
bandi við ósigur Napoleons við Waterloo.
Hann hafði lagt fram gífurlega mikið fé
til þess að hjálpa andstæðingum Napoleons
og beið úrslitanna í ofvæni og var sjálfur
nálægt vígvellinum. Undir eins og hann sá
hvernig fara myndi þeisti hann af stað
upp að Ermasundi, fékk skip til að flytja
sig yfir sundið og komst til London áður
en nokkur vissi um úrslit orustunnar.
Rotschild þagði og var með alvörusvip á
kauphöllinni og allir héldu að Napoleon
hefði sigrað. Verðbréfin stórféllu og svo
keypti Rotschild — og græddi meir en
milljón sterlingspund á einum sólarhring.
Tj jr m pv ■ 19. JÚLÍ — árið 64 hófst
eldsvoðinn mikli i Róm,
sá er talið var að Neró
hefði valdið og kostaði líf fjölda kristinna
manna. Bruninn hélt áfram í 6 daga og
gereyddi þrem af 14 hverfum Rómar en
stórskemmdi sjö. Sagt er að Neró hafi set-
ið uppi í víggirtum turni og horft með
hrifningu á brunann — en hvort sem það
er satt eða logið þá er svo mikið vist að
honum var kennt um ódæðið, en hann
kenndi það aftur kristnum mönnum, sem
urðu fyrir grimmilegum ofsóknum af þeirri
ástæðu. Eftir brunann varð Róm sem ný
borg með stórum steinhúsum — neðsta
hæðin varð að minnsta kosti að vera úr
steini, var fyrirskipað — og með breiðum
og beinum strætum.
BRIDGE
Bridgeþáttur Fálkans mun í fram-
tíðinni þannig stílaður, að allir geti
skilið hann, jafnvel þó þeir kunni
litið í bridge. Vandinn er aðeins að
raða spilunum upp eins og sýnt er
og spila síðan úr þeim eins og sagt er.
Þátturinn mun framvegis birta ís-
lenzk og erlend spil, er komið hafa
fyrir i keppnum, heimahúsum eða
annars staðar. Bridgeþátturinn vænt-
ir þess, að menn og konur sendi hon-
um spil, er koma fyrir einhvers stað-
ar og mönnum gæti komið til hugar
að fólk hefði gaman af að sjá.
Utanáskrift Bridgeþáttarins er:
Vikublaðið Fálkinn (Bridgeþáttur-
inn), box 1411.
Hér kemur þá fyrsta spilið, er spil-
að var árið 1960 í keppni milli Eng-
lands og Norður-lrlands á fimmta
borði. Sést glöggt, hvað millispilin,
það er að segja áttur, níur og tíur,
geta haft mikið að segja.
Norður gaf: Norður og suður á
hættu.
S 5, 4, 2
H D, G, 5, 4
T D, 10, 5
L Á, K, 3
S 6, 3
H 8, 3
T Á, K, 9, 8,
4, 2
L D, 5, 4
S Á, G, 10, 8
H Á, K, 10, 9
T G, 3
L 10 9, 8
Suður endaði á fjórum hjörtum á
báðum borðum.
Á öðru borðinu gekk spilið þannig:
Vestur spilaði Ás og Kóng í tígli og
síðan þriðja tíglinum, sem Austur
trompaði og Suður drap af honum
með hjarta niu. Suðurtóknú út tromp-
in með hjartakóng og tíu. Nú sá Suð-
ur, að það er ekki um annað að ræða
en að fara í spaðann. Hann spilaði
sig því inn í blindann á laufakóng
og út kom spaði, er Austur drap með
drottningu, en Suður tók með ás. Suð-
ur lét nú spaða gosa, sem Austur
drap með kóng. Austur er nú i vand-
ræðum og lét út spaða sjö. Eftir mikla
umhugsun valdi Suður réttu leiðina
og drap með spaða áttu, spilaði síðan
spaða tíu og henti laufa þristi i, og
þar með unnust f jögur hjörtu. Á hinu
borðinu gekk það ekki eins vel, þar
töpuðust fjögur hjörtu.
S K, D, 9, 7
H 7, 6, 2
T 7, 6
L G. 7. 6. 2
Fálkinnt 24. tbl. 1960
27