Fálkinn - 15.05.1963, Blaðsíða 34

PANDA DG UPPFINNINGAMAÐURINN MIKLI
„ÞaS er algjörlega þér að kenna, að Jollipop er far-
inn,“ hrópaði Panda til Hugsuðarins. „Gerir ekkert,“
svaraði hann. „Það mun allt verða í lagi.“ Og Hugs-
uðurinn sneri niður í kjallarann til þess að leysa
þjónsvandamálið. Hann valdi sér hluti af ýmsu tagi
og þegar langt var liðið á nóttu var hann búinn með
skringilegt tæki. „Panda verður undrandi á morgun,“
sagði hann við sjálfan sig, „hann þarf ekki lengur að
halda á þessum leiðinlega þjóni.“ Og snemma næsta
morguns bergmálaði allt húsið af kynlegu vélarhljóði.
Dyrnar á svefnherbergi Panda voru opnaðar. .. og
vélmaðurinn gekk inn með morgunverð hans.
Vélmaðurinn gekk inn með skrölti og hringli og
stanzaði fyrir framan rúm Panda. Hugsuðurinn fylgd-
ist með athöfnum hans af ánægju mikilli. „Dásamleg
vél,“ sagði hann ánægður við sjálfan sig, „skyldi
Panda ekki verða undrandi, þegar vélmaðurinn vekur
hann og ber honum te.“ Reyndar varð Panda undr-
andi, enda voru þær aðferðir, sem vélmaðurinn hafði
til þess að vekja hann næsta einkennilegar. Þær voru
þannig, að vélmaðurinn sló hann í höfuðið með steikar-
pönnu. Panda hrópaði upp yfir sig og horfði bæði
undrandi og hræddur á tæki það, sem stóð fyrir
framan hann. „Hvað er ... þetta? stamaði hann. En
hann komst ekki lengra, því þá hellti hinn sjálfvirki
þjónn teinu fyrir hann.
Panda stökk út úr rúminu og hljóp í burtu. „Hjálp“,
æpti hann, „taktu þessa helvítis vél hérna í burtu.“
„Vertu ekki hræddur,“ sagði Hugsuðurinn, „þetta er
bara sjálfvirki þjónninn þinn, sem var að bera þér
te í rúmið.“ En Panda sá að þjónninn fylgdi honum
eftir og skreið því bak við Hugsuðinn. „Taktu hann
34 fXlkinn
frá mér. Láttu hann færa þér te. Ég vil það ekki.“
„Það gengur ekki,“ sagði Hugsuðurinn, „hann þjónar
aðeins þér. Þú ert húsbóndi hans.“ En því miður virtist
húsbóndavald Panda yfir vélmanninum vafasamt, því
að nú kom hann og ýtti Hugsuðinum til hliðar en tók
Panda í stálgreip sína.