Fréttablaðið - 06.11.2009, Blaðsíða 38

6. NÓVEMBER 2009 FÖSTUDAGUR2 ● fréttablaðið ● jólahlaðborð
● ÞAÐ VERÐUR JACKSON UM JÓLIN Jólahlaðborðið á Broad-
way er allsérstakt í ár. Meðan gestir gæða sér á hangikjöti og uppstúfi
flytja þekktir tónlistarmenn tónlist eftir snillinginn Michael Jackson og að
borðhaldi loknu er slegið upp dansleik með
hljómsveitinni Bermuda.
Á sýningunni er farið yfir feril Jacksons í
Jackson Five og sólóferil hans og allra bestu
lögin hljóma undir borðhaldinu.
Þeir sem bregða sér í hlutverk popp-
kóngsins eru Alan Jones, Edgar Smári,
Arnar Jónsson og María Ólafsdóttir.
Tónlistarstjóri er enginn annar en
Gunnar Þórðarson og leikstjóri er
Egill Eðvarðsson. Þá tekur þátt í
sýningunni stór hópur dansara
sem stígur dans í anda Jacksons.
Fyrsta jólahlaðborðið verður hinn
20. nóvember.
Gísli Einarsson, frétta- og dag-
skrárgerðarmaður, hefur verið
eftirsóttur veislustjóri í jólahlað-
borð og árshátíðir í gegnum tíð-
ina. Honum þykir starfið allt-
af jafn skemmtilegt. „Maður er
náttúr lega að fá þarna útrás fyrir
einhverja svakalega athyglis-
þörf,“ segir hann og hlær. „Manni
líður líka svo vel í hjartanu ef það
heppnast að skemmta fólki og
oft fæst góður matur með í
bónus.“
Gísli segir algengan mis-
skilning að veislustjórn sé
auðveld. „Þvert á móti.
Það getur tekið gríðar-
lega á að halda at-
hyg l i n n i þ e g a r
líða tekur á. Dag-
inn eftir er maður
stundum jafn-
vel þreyttari
en fólkið sem
var að skemmta
sér, drekka og djamma kvöldið
áður,“ segir hann.
Þótt Gísli sé vanur veislustjóri
hefur hann nokkrum sinnum lent
í aðstæðum þar sem allt stefndi í
óefni. „Ég minnist nú atviks þar
sem tiltekinn félagsskapur var
samankominn. Innan hópsins
hafði skapast sú skrítna hefð að
taka koníak í nefið. Mitt í kynn-
ingu á einu atriðanna vatt sér
að mér gestur sem bauð mér að
taka þátt í því og ég kunni ekki
við annað en að verða við því. Af-
leiðingarnar voru þær að mér leið
dauðilla allt kvöldið.“ Hann bætir
við að yfirleitt hafi veislustjórnin
þó gengið vel.
En er Gísli með einhver ráð
handa þeim sem vilja leggja
veislustjórn fyrir sig? „Númer
eitt, tvö og þrjú er að drekkja
ekki fólki með einhverri langri
skemmtidagskrá, því fólk vill jú
líka spjalla saman og hafa það
gott.“
- rve
Fær útrás fyrir athyglisþörf
Veitingastaðurinn Tíminn og
vatnið í Fossatúni í Borgarfirði
býður upp á jólahlaðborð með
kvikmyndamyndasýningu,
kveðskap og karókí að loknu
borðhaldi.
„Það er mjög skemmtileg reynsla
að koma hingað. Við lýsum upp
Tröllafossana, sem er afar fallegt
og sérstakt, og tröllkona ein í kletti
blasir hér við. Svo er útipallur
á veitingastaðnum sem er mjög
gaman að fara út á á kvöldin, ég
tala nú ekki um þegar norðurljósin
skarta sínu fegursta,“ segir Stein-
ar Berg Ísleifsson, staðarhaldari
að Fossatúni í Borgar firði. Þar
við Grímsána starfrækja Stein-
ar og Ingibjörg, eiginkona hans,
veitingastaðinn Tímann og vatnið,
sem býður upp á heimalagað jóla-
hlaðborð með fjölbreyttu sniði.
Ferðaþjónustan í Fossatúni er
nú á sínu fimmta rekstrarári og
segir Steinar jólahlaðborðin hafa
notið mikilla vinsælda undan-
farin ár. Fiskréttir af ýmsu tagi
eru áberandi á forréttaseðlinum,
meðal annars er boðið upp á salt-
fiskbollur í ostasósu, bleikjuboll-
ur, laxafiðrildi og taðreykt hrátt
hangikjöt með suðrænum ávöxt-
um. Aðalréttirnir samanstanda
af villikrydduðu og bjórsteiktu
jólalambi, smjörsteiktri og estr-
agonkryddaðri kalkúnabringu,
léttreyktu grísalæri og hangi-
kjöti með uppstúfi.
Fyrir borðhaldið er gestum
sýnd stuttmyndin Tónmilda Ís-
land eftir Friðþjóf Helgason, þar
sem íslensk tónlist hljómar yfir
náttúrumyndum. Á milli rétta fer
Steinar með limrur og segir frá
umhverfi, staðháttum og tröllum.
„Ég og Brian Pilkington erum
um þessar mundir að senda frá
okkur bókina Tröllagleði, en við
gáfum út bókina Tryggðatröll
fyrir tveimur árum. Ég hef mikið
kynnt mér tröll og er orðinn hálf-
gerður sérfræðingur í þeim,“
segir Steinar og hlær. „Limrurn-
ar koma flestar úr sjaldséðri og
skemmtilegri bók eftir Jónas
Árnason, sem bjó lengi í Reyk-
holti og hann yrkir um tröll,
borðsiði, enska knattspyrnu og
allt þar á milli.“
Að borðhaldi loknu er svo
spiluð skemmtileg tónlist og
karókí opnað fyrir þá sem vilja
tjá sig með söng. Um klukku-
stundarlöng keyrsla er frá
Reykjavík að Fossatúni. „Flestir
sem koma hingað fara aftur heim
eftir kvöldið, en það eru líka hótel
hér í kring sem hægt er að gista
á,“ segir Steinar.
- kg
Tröllkona blasir við
gestum jólahlaðborðsins
● SMÖRGÅSBORD UM VÍÐA VERÖLD Í seinni tíð hefur ekki
verið mjög algengt að orð af skandinavískum uppruna brjóti sér leið,
nánast óbreytt, inn í enska tungu. Sú er þó raunin með sænska orðið
smörgåsbord, sem þýðir hlaðborð eða kalt borð.
Smörgåsbord er venjulega skrifað smorgasbord í enskumælandi
löndum sem þekkja hvorki bókstafina ö né å. Það varð þekkt á alþjóð-
legum vettvangi þegar boðið var upp á slíkt
hlaðborð á heimssýningunni í New York árið
1939. Jólahlaðborð eða julbord er ein vinsæl-
asta útfærslan af smörgåsbord.
Víðast hvar utan Norðurlandanna er orðið
þó notað yfir hvers kyns hlaðborð þar sem
ýmsir réttir eru á boðstólum sem tengjast
í engu norrænum hefðum. Smorgasbord
getur einnig þýtt hverjar þær aðstæður
þar sem fólki býðst að velja á milli margra
jákvæðra kosta, til dæmis er hægt að tala um
smorgasbord af háskólakúrsum, smorgas-
bord af bókum í bókabúð og svo framvegis.
Steinar Berg Ísleifsson, staðarhaldari að Fossatúni.
FRÉTTABLAÐIÐ/GVA
Fossatún er miðsvæðis í Borgarfirði. MYND/ÚR EINKASAFNI
„Bannað er að
drekkja fólki með
langri dagskrá,“
segir Gísli.
Hangikjöt með uppstúfi er á meðal þess sem er í boði.
FRÉTTABLAÐIÐ/VILHELM
„Ég hef nú lent í
ýmsu á ferli mínum
sem veislustjóri en
yfirleitt hefur þetta
gengið eins og í
sögu.“