Fréttablaðið - 06.11.2009, Blaðsíða 30

6. nóvember 2009 FÖSTUDAGUR2
Að vera kona í Malaví er yfir-
skrift UNIFEM-umræðna sem
fram fara í Miðstöð Samein-
uðu þjóðanna á Laugavegi 42 á
morgun klukkan 13. Þar munu
þær Inga Dóra Pétursdóttir og
Stella Samúelsdóttir fjalla um líf
og stöðu kvenna í Malaví.
Stella fjallar um menntun
kvenna í Malaví en Inga Dóra
fjallar um það hvernig hefðbund-
in kynhlutverk í Malaví eru að
breytast. „Í Afríku er mjög sterk
kynmótun og sterk hefð fyrir
kynhlutverkum. Sérstaklega á
það við Malaví enda ríkti ein-
ræðisherrann Hastings Banda
þar í mörg ár. Hann ýkti þessi
hlutverk mjög mikið. Konur urðu
til að mynda að ganga í pilsum
og karlar máttu ekki safna hári.
Hann bjó til sterkar stereótýpur
af kynjunum en það hefur verið
að breytast með auknum áhrif-
um frá vestrænum löndum,“ segir
Inga Dóra. Hún telur oft gleymast
þegar rætt sé um konur í Afríku
að mikil fjölbreytni sé í löndun-
um sjálfum. Hún mun taka þrjár
vinkonur sínar sem dæmi í fyrir-
lestri sínum. Allar eru þær frá
Malaví en hlutskipti þeirra mjög
frábrugðin.
„Ein þeirra fæddist í þorpi
sem hún hefur alltaf búið í, gift-
ist manni og átti sín börn. Hún
er fátæk og notar ekki vestræna
læknisþjónustu. Önnur vinkona
mín er kona sem fæddist við sömu
aðstæður, giftist manni og eign-
aðist með honum þrjú börn. Hann
beitti hana ofbeldi svo hún skildi
við hann, flutti í annað þorp og er
í dag sjálfstæð kona sem vinnur
fyrir sér sjálf. Þriðja konan fædd-
ist inn í efnameiri fjölskyldu, er
hjúkrunarfræðingur og giftist
manni sem vinnur í utanríkisráðu-
neytinu. Hún hefur ferðast um
allan heim sem diplómatafrú. Nú
vinnur hún hjá Þróunarsamvinnu-
stofnun Íslands og hefur miklu
meiri völd en allir malavísku karl-
arnir í kringum hana,“ lýsir Inga
Dóra sem vill draga fram þá stað-
reynd að í Malaví sé jafn mikil
fjölbreytni og hér á landi.
Inga Dóra er mannfræðingur og
er að ljúka MA í þróunarfræði við
HÍ. Hún dvaldi í Malaví í tæp tvö
ár við nám og störf og lætur vel
af. „Í fyrstu bjó ég í litlu þorpi og
rannsakaði hvernig konur upplifa
HIV. Eftir það fékk ég vinnu hjá
Þróunarsamvinnustofnun og vann
við stjórnsýslu í höfuðborginni,“
segir hún og þótti gaman að geta
kynnst þessum tveimur hliðum á
Afríku. solveig@frettabladid.is
Að vera kona í Malaví
Afrískar konur eru oft álitnar fátækar, fáfróðar og kúgaðar. Mun meira er þó í þær spunnið, eins og Inga
Dóra Pétursdóttir og Stella Samúelsdóttir segja frá í Miðstöð Sameinuðu þjóðanna á morgun.
Inga Dóra innan um brúðkaupsgesti í þorpi í Malaví. Eftir athöfnina var dansað og sungið í marga klukkutíma. MYND/ÚR EINKASAFNI
SJÓNBLEKKINGAR OG VÍSINDI leika aðalhlutverkið í
fjölskylduleiðsögn sem verður á Kjarvalsstöðum á sunnudaginn
klukkan 15. Smiðjan tengist sýningunni Blik sem er í vestursal
Kjarvalsstaða en um helgina er síðasti sýningardagur.
Inga Dóra Pétursdóttir dvaldi í Malaví í
tæp tvö ár við nám og starf.
FRÉTTABLAÐIÐ/PJETUR
Á vefsíðu
Odda er
boðið upp á
skemmtileg-
ar nýjungar.
Þar er hægt
að hanna sína eigin
innbundnu ljósmynda-
bók og búa til kort,
dagatöl og veggspjöld.
Fínt að dunda sér við
það í tölvunni heima
þegar tími gefst til.
www.oddi.is
S k e i f u n n i 3 j · S í m i 5 5 3 8 2 8 2 · w w w. h e i l s u d r e k i n n . i s
TILBOÐ
• opnar orkuflæði
• slökun
• losar um spennu og kvíða
• dregur úr verkjum
• styrkir líkamann
• jafnvægi fyrir líkama og sál
• o.fl.
Leiðbeinandi: Qing
Hugræn teygjuleikfimi
ásamt heilsumeðferð
T a i c h í i n n i f a l i ð
Smáauglýsingar
Fréttablaðsins
eru einnig
á visir.is