Tímarit iðnaðarmanna - 01.10.1973, Blaðsíða 23

Iðnaðarsamböndin
á Norðurlöndum
heimsótt
í jÚNÍ mÁnuði 1973 var forseta og framkvæmdastjóra
Landsambands iðnaðarmanna boðið til aðalfunda iðn-
sambandanna í Noregi og Svíþjóð, en að þeim loknum
var haldinn stjórnarfundur í Norræna iðnráðinu. Að-
alfundur Norska iðnsambandsins (Norges Hándverks-
og Industribedrifters Forbund) var haldinn í Þránd-
heimi dagana 1. og 2. júní, en aðalfundur Sænska iðn-
sambandsins (Sveriges Hantverks- och Industriorgani-
sation) var haldinn í Falun í Dölunum dagana 4. og 5.
júní. Stjórnarfundur í Norræna iðnráðinu var síðan
haldin skammt frá Falun 6. júní.
Aðalfundur Norska iðnsambandsins er haldinn 3.
hvert ár og þá jafnan með allmikilli viðhöfn. í Norska
iðnsambandinu eru nú 130 staðbundin iðnaðarmanna-
félög og 31 landsfélag iðngreina og heildarfélagafjöld-
inn um 8 þúsund. Fjöidi aðalfundarfulltrúa getur orðið
um 300, en venjulega sækir um helmingur þeirra fund-
inn og voru þeir nú um 150 talsins.
Setning aðalfundarins fór fram í Erkibiskupsgarðin-
um í Þrándheimi (Niðarósi) sem er um 750 ára gömul
bygging. Áður en setningarathöfnin hófst lék lúðrasveit
hersins fyrir utan byggnguna í u. þ. b. hálftíma, en
forseti Norska iðnsambandsins Ola Frost, múrara-
meistari, setti síðan aðalfundinn með ræðu. Að henni
lokinni flutti fulltrúi iðnaðarráðherra kveðju frá ráð-
herranum, en hann gat ekki komið sjálfur til setningar-
innar vegna embættisanna. Ennfremur fluttu ýmsir
framámenn í Þrándheimi ræður við athöfnina og við-
staddir gestir frá systrasamtökunum á Norðurlöndum
fluttu ræður, en það voru þeir Adolf Sörensen frá
Danmörku, Ingólfur Finnbogason frá íslandi og Stig
Stefansson frá Svíþjóð. I ræðu sinni þakkaði Ingólfur
Finnbogason norskum iðnaðarmönnum fyrir framlag
þeirra til Vestmannaeyjasöfnunar.
Aðalfundarstörfin fóru fram daginn eftir og var
þeim lokið á 7-8 tímum. Aðalfundinum var síðan lokið
með mikilli veizlu, sem haldin var í Frímúrarahöllinni
í Þrándheimi um kvöldið og var þar mættur m. a. iðn-
aðarráðherra Noregs, Ola Skák Bræk.
Eins og vænta má er mikil vinna lögð í undirbún-
ing aðalfundar samtakanna þar sem hann er aðeins
haldinn 3. hvert ár og raunverulegum aðalfundarstörf-
um öllum lokið á einum degi. Á aðalfundinum er ann-
ars vegar rætt um störf sambandsins á liðnu 3 ára starfs-
tímabili og hins vegar um áætlanir um starfsemina á
næsta 3 ára tímabili. Lögð er fram skýrsla um starfsem-
ina og umfangsmiklar tillögur um stefnumál samtak-
anna og starfsemi í framtíðinni. Engar ályktanir eru
gerðar á aðalfundinum, en stefna samtakanna í öllum
helztu málaflokkum, sem varða iðnaðinn, er mörkuð
í starfsáætluninni.
Starfsáætlunin er mjög viðamikil og er þar m. a.
fjallað um eftirtalin málefni:
Almenna stefnu í efnahagsmálum, þar sem m. a. er
lögð áherzla á að dregið sé úr verðbólgu, að tryggð sé
full atvinna og að fyrirtæki fái tækifæri til þess að
byggja upp eigið fjármagn í rekstrinum. Fjallað er um
útgjöld til félagsmála og almannatryggingakerfisins,
þar er m. a. lagt til að dregið sé úr vaxtarhraða þess-
ara ríkisútgjalda og að ekki sé lagður óhóflegur skattur
á vinnuaflsfrek fyrirtæki en eins og er bera þau megin-
hluta af kostnaði við almannatryggingakerfið, heldur
beri að afla tekna til þessara mála með virðisauka-
skatti. Þá er fjallað um skattamál og bent á, að hvergi í
heiminum séu skattar eins mikið stighækkandi og í
Noregi og þurfi að draga úr þessu, þannig að skattur af
viðbótartekjum verði aldrei meiri en 50%. Einnig er
bent á, að launatengd gjöld hafi gert alla vinnuafls-
freka starfsemi óhóflega dýra og því þurfi að leysa
þessa tekjuöflunarleið af hólmi með virðisaukaskatti.
TÍMARIT IÐNAÐARMANNA
23