Tímarit iðnaðarmanna - 01.10.1973, Page 26

Frá setningu aSafundar NHIF i
Þrándheimi: lngólfur Finnhoga-
son er lengst til vinstri og Stig
Stefansson forseti sœnska iSn-
sambandsins og Adolph Sören-
sen, forseti danska iSnsambands-
ins er á miSri myndinni.
fá nú þegar styrk til að ráða atvinnulausa unglinga til
starfa og nemur sá styrkur 5 s. kr. á kist. Þessir ungling-
ar hafa hins vegar enga verklega menntun, en skortur
er á faglærðum starfsmönnum í ýmsum greinum.
Loks fjölluðu nokkrar ályktanir um árgjald til sam-
takanna og undanþágur frá gjaldskyldu.
Allar þessar ályktanir höfðu upphaflega verið send-
ar stjórn samtakanna og fylgdi umsögn hennar með
hverri ályktun, þar sem hún ýmist lagði til, að þær
yrðu samþykktar, felldar eða þeim breytt efnislega.
Stefnuskrá sambandsins er mikið plagg, 46 blaðsíður
að stærð. Þar er fjallað mjög ítarlega um fjölmarga
málaflokka og stefna sambandsins mörkuð. Þar er m.
a. fjallað um stefnu í efnahagsmálum, skattamálum,
vinnumarkaðsmálum, byggðamálum, samgöngumálum,
húsnæðismálum iðnaðarins, fræðslumálum iðnaðarins,
neytendamálum og loks er fjallað um markaðsmál í
Evrópu.
Afgreiðsla allra þessara fjölmörgu ályktana gekk
mjög greiðlega á þinginu og voru yfirleitt mjög litlar
umræður um þær.
Sænska iðnsambandið eru mjög öflug samtök. Fé-
lagsmenn er yfir 40 þúsund og heildartekjur þeirra á
síðasta ári námu rúmlega 6.5 millj. s. kr. eða tæplega
140 millj. ísl. kr. Fjárhagsáætlanir fyrir næstu 3 árin
gera ráð fyrir að tekjur sambandsins verði orðnar tæp-
lega 8 millj. s. kr. árið 1975 þannig að sambandið er í
stöðugum vexti.
Þing sambandsins eru venjulega haldin þriðja hvert
ár, en þar sem almennar þingkosningar eiga að fara
fram í Svíþjóð árið 1976 var samþykkt að færa þingið
fram um eitt ár og verður það haldið árið 1975. Stig
Stefansson, úrsmíðameistari, var endurkjörin forseti
sænska iðnsambandsins til næstu 2 ára, en hann hefur
nú gengt forsetaembættinu í 12 ár.
26
Stjórnarfundur í Norrœna iðnráðinu
Miðvikudaginn 6. júní hélt stjórn Norræna iðnráðs-
ins fund á Hotel Morhagen við Ludvika í Dölunum.
Stjórn Norræna iðnráðsins er skipuð formönnum og
forsetum iðnsambandanna á Norðurlöndum en auk
þeirra tóku þátt í fundinum framkvæmdarstjórar sam-
bandanna og varaformaður Danska iðnsambandsins.
f upphafi fundarins fluttu íslenzku fulltrúarnir iðn-
samböndunum á Norðurlöndunum þakkir fyrir fram-
lag þeirra til iðnaðarmanna í Vestmannaeyjum sem
orðið 'hafa fyrir skakkaföllum af völdum eldgossins
í Heimaey. Síðan var málaskráin tekin fyrir, en á henni
voru sjö mál.
Framkvæmdastjóri Danska iðsambandsins M. J.
Rosenberg, skýrði frá fundum Alþjóða iðnsambandsins
(IGLF) og Alþjóðasambands iðnaðarmanna (IFH),
sem haldnir voru í Amsterdam í maí sl. Á þessum fund-
um hafði verið rætt um aðild Norðurlanda að Efna-
hagsbandalaginu og samningum þeirra við bandalagið.
Iðnráð Efnahagsbandalagslandanna hélt einnig fund í
Amsterdam og þar hafði verið samþykkt að veita Nor-
egi og Svíþjóð ásamt öðrum löndum, sem gera verzl-
unarsamning við Efnahagsbandalagið, áheyrnaraðild
að fundum Iðnráðsins og jafnframt verða þeim send
öll dreifibréf Iðnráðsins, Hins vegar er Danmörk orð-
in fullgildur aðili að iðnráði EBE eftir að Danmörk
gekk i bandalagið. Á þessum fundi urðu m. a. miklar
umræður um hvaða kröfur ætti að gera til iðnmeistara,
sem vilja stofna fyrirtæki í öðrum Efnahagsbandalags-
löndum og hefðu einkum komið fram tvær skoðanir á
því máli en engin eining náðist á fundinum.
Þá var skýrt frá því, að Austrurríska iðnsambandið
hefði látið gera athugun á framtíðarmöguleikum hús-
gagna- og innréttingaiðnaðar, sem væri mjög athyglis-
verð og yrði þessari skýrslu dreift til aðildarfélaga.
TÍMARIT IÐNA8ARMANNA