Vikan - 09.06.1960, Side 3
»Má hann vera nakinn?«
spyrja tvær sambýliskonur.
Mér er ánægja að koma þessu á framfæri,
enda þótt ég efist um að skipulag það, sem
bréfritari stingur upp á, sé framkvæman-
legt. Ég er honum líka hjartanlega sammála
um það, að vanda beri efni það, sem flutt er
á slíkum leikferðalögum og gera strangar
kröfur um flutning þess, ekki síður í dreif-
býlinu en hér — en eflaust verða leikflokk-
arnir sjálfir að taka sér fram um það; annars
yrði talið að um einhvern „sensúr“ væri að
ræða, og það orð er ekki vel þokkað, sízt
af listamönnum.
VEÐURSPÁ FRAM f TÍMANN —
FYRIR FERÐAFÓLK.
Heiðraði póstur.
Viltu ekki koma því á framfæri fyrir mig, að
það mundi verða mjög vel þegið af almenningi,
ef veðurstofan birti á, við skulum segja hverj-
um fimmtudegi yfir sumarmánuðina, veðurspá
i stórum dráttum frá næsta laugadegi til annars
laugadags, eða viku fram í timann. Eftir því
sem látið er af öllum framförunum á þessu
sviði ætti veðurfræðingarnir að geta þetta, og
það væri áreiðanlega mikil þjónusta við almenn-
ing að þeir gerðu það, þvi að þá gæti fólk skipu-
lagt ferðalög sín í sumarleyfinu eftir því. Ég
tala nú ekki um, ef hægt væri að gera slíka
spá fyrir júlímánuð allan, eða þegar mikið af
fastráðnu fólki fær sumarleyfi sitt. Mér er sagt
að bandarískir veðurfræðingar spái langt fram
i timann, og þvi skyldu þeir íslenzku, sem áreið-
anlega standa þeim jafnfætis, ekki geta það líka?
Með þökk fyrir birtingu.
Skrifstofumaður.
Mig minnir að ég hafi einhverntíma heyrt
ungan veðurfræðing skýra frá því í útvarps-
erindi, að veðurspár fram í tímann gætu ekki
orðið svo áreiðanlegar, enn sem kornið er,
að virðingárvandir vísindamenn vildu leggja
nafn sitt við. Þetta kann þó að vera misminni.
Beiðni þessari eða uppástungu er hér með
komið á framfæri, og víst er um það, að
hentugt gæti þetta verið í sambandi við sum-
arleyfin. En — ekki öfunda ég svo blessaða
veðurfræðingana af „þakklætinu“, ef flest
gengi öfugt eftir spánni og sumarleyfis-
ferðafólkið kæmi holdvott, hrakið og von-
svikið heim. En sem sagt — það væri gaman
að heyra álit veðurfræðinganna sjálfra á
þessu ...
SÓLBÖÐ Á SVÖLUM — OG SIÐGÆÐI,
EÐA HVAÐ?
Kæra Vika.
Við þökkum þér innilega allt það skemmtilega
efni, sem þú flytur okkur. Og nú langar okkur
til að snúa okkur til þín í viðkvæmu vanda-
máli. Svo er mál með vexti, að svalirnar á næsta
húsi vita beint að gluggunum á okkar ibúð. Þar
liggur karlmaður í sólbaði hvenær sem einhver
geisli skín, og hann er, satt að segja, svo fá-
klæddur að okkur blöskrar. Eru ekki einhverjar
reglur til fyrir þvi hvernig fólki megi vera búið
í sólbaði? Og ef svo er, og þær reglur eru
brotnar, hvert á maður þá að kæra? Annað eins
og það, sem við verðum að þola, er beinlinis
ótækt. í hvert skipti sem gestir koma til okkar
og þeim verður litið út um gluggann og sjá ósóm-
ann, glotta þeir háðslega og segja: „Það er
aldrei, að þið hafið útsýnið!“ Við þykjumst ekki
vera teprulegar, en við höfum þó sómatilfinn-
ingu, en hún virðist orðin sjaldgæf vara. í von
um að þú svarir okkur fljótt ...
Vinsamlegast.
Tvær sambýliskonur.
Já, þetta er vitanlega ótækt, eins og þið segið.
Og það er til einhver lögreglusamþykkt, þar
sem einhver greinin mun fjalla um eitthvað,
sem gæti náð yfir þetta. Við ráðleggjum ykk-
ur eindregið að snúa ykkur til lögreglunnar
og kæra þetta athæfi fyrir henni — það hlýt-
ur að varða við einhver lög, að særa þannig
helgustu tilfinningar tveggja sambýliskvenna
og gesta þeirra, og hefur mörgum verið refs-
að fyrir minna. Og á næsta alþingi ætti svo
að setja skýlausa löggjöf um það, að þegar
menn taka sér sólbað á svölum úti, verði þeir
að vera sómasamlega klæddir, þótt ef til vill
sé ekki hægt að krefja þess að þeir verði
beinlínis í samkvæmisfötum ...
Listahátíð Þjóðleikhússins
Framhald af 2. sKSu.
sungið þar hvert aðalhlutverkið af öðru, þar á
meðal Gildu i „Rigoletto".
Sum blöðin nefna hana hinn sænska næturgala
og segja meðal annars: „Því oftar sem við hlust-
um á þessa glæsilegu söngkonu, því meir dáir
maður söng hennar og túlkun. I hverju smáatriði
sameinar hún leik og söng og skapar með því
ógleymanlega stemningu, harmleikurinn er full-
kominn", segir einn gagnrýnandinn um hana í
Violettu.
Margaretha von Bahr, finnska ballettdansmær-
in sem dansar aðalhlutverkið í „Fröken Julie'" er
ein bezta sólódansmær Finna. Hún hefur verið
sólódansmær Finnsku óperunnar í 10 ár og dans-
að flest aðalhlutverk hinna sígildu balletta, eins
og t. d. í Svanavatninu, Þyrnirósu, Sylphideina,
Oinelle, svo og „Fröken Julie“. Auk þess hefur
hún dansað sem gestur á fjölmörgum óperum
utan Finnlands, eins og t. d. í Stokkhólmi,
Leningrad, Moskvu (Bolshoi-leikhúsinu), Oslo og
New York. Margaretha von Bahr er sérstakiega
snjöll „karakterdansmær".
Birgit Gullberg hefur á síðustu árum hlotið
heimsfrægð og viðurkenningu sem sérstaklega
snjall leikdansahöfundur enda farið víða um heim
og sett þá dansa á svið, sem hún hefur samið. Einn
frægasti ballett hennar er „Fröken Julie“, sem
hún setur upp hér i Þjóðleikhúsinu 14. júní, en
sá ballett er byggður á samnefndu leikriti eftir
Strindberg.
Simon Edwardsen leikstjóri frá Stokkhólmi er
leikhússgestum svo vel kunnur að ekki þarf að
kynna hann sérstaklega, þar sem hann hefur áð-
ur sett upp 4 óperur fyrir Þjóðleikhúsið. En hann
kemur nú aftur til að setja „Rigoletto“ á svið.
Sven Erik Vikström, óperusöngvari frá Stokk-
hólmsóperunni, hefur verið fastráðinn hjá óper-
unni í nokkur ár og sungið fjölda hlutverka meðal
annars Herto.gans í „Rigoletto" sem hann syngur
hér.
SÚKKULAÐI OG
VANILLABRAGÐ
ANANASBRAGÐ
Ananas bltar I Hverjum pakka
HeildsöluDirgöir
EGGERT
KRIST)ANSSON & CO. H.F.
Sími 1 14 00
búduujaz
TRAUST MERKI
HOLLAND
VIKAN
3