Vikan - 10.01.1963, Blaðsíða 47

maður, herra."
„Já, já, mér er fullkunnugt um
það.“
„Óviðkomandi menn skildu ekki
alltaf hr. Gervase." Snell lagði
þunga áherzlu á orðið „skildu“.
„Ég veit. Ég veit. En þér tókuð
ekki eftir neinu, sem þér rnunduð
vilja kalla óvenjulegt?"
Brytinn hikaði.
„Ég held, herra, að hr. Gervase
hafi haft áhyggjur af einhverju,"
sagði hann loks.
„Haft áhyggjur og verið dapur?“
„Ég vil ekki segja, að hann hafi
verið dapur, herra. En haft áhyggj-
ur, já.“
„Hafið þér nokkra hugmynd um
ástæðuna fyrir þessum áhyggjum?"
„Nei, herra.“
„Haldið þér að það hafi til dæmis
staðið í sambandi við nokkra sér-
staka persónu?"
„Ég get alls ekkert sagt um það,
herra. Að minnsta kosti hef ég ekk-
ert við að styðjast, nema mitt eigið
hugboð.“
„Þér voruð undrandi yfir því, að
hann skyldi fremja sjálfsmorð?"
spurði nú Poirot.
„Mjög undrandi, herra. Það var
hræðilegt áfall fyrir mig. Slíkt hafði
mér aldrei komið til hugar.“
Poirot kinkaði kolli hugsandi.
Riddle leit til hans og sagði síð-
an:
„Jæja, Snell, ég held að það sé
þá ekki fleira, sem við þurfum að
spyrja yður um. Þér eruð viss um,
að það sé ekkert annað, sem þér
geitð frætt okkur um — ekkert ó-
venjulegt atvik, til dæmis, sem hafi
komið fyrir þessa síðustu daga?“
Brytinn stóð á fætur og hristi höf-
uðið um leið.
„Nei ekkert, alls ekkert.“
„Þá megið þér fara.“
„Þakka yður fyrir, herra.“
Á leiðinni til dyranna vék Snell
til hliðar, því að í sama bili kom
frú Chevenix-Gore svífandi inn um
dyrnar.
Hún var klædd austurlenzku
klæði úr purpurarauðu og appelsínu-
gulu silki, sem hún vafði þétt um
líkama sinn. Hún var alvarleg á
svip og stillt og róleg í fasi.
„Frú Chevenix-Gore.“ Riddle
majór spratt á fætur.
„Mér var sagt, að þér vilduð
gjarna tala við mig, og því kom
ég,“ sagði hún.
„Eigum við að fara inn í annað
herbergi? Þetta hlýtur að valda
yður áköfum sársauka."
Frú Chevenix-Gore hristi höfuðið
og tók sér sæti á einum Chippendale
stólnum.
„Nei, nei, það gerir ekkert til,“
sagði hún lágt.
„Það er mjög vel gert af yður,
frú Chevenix-Gore, að láta tilfinn-
ingar yðar liggja milli hluta. Ég
veit, hve hræðilegt áfall þetta hlýt-
ur að hafa verið fyrir yður, og ...“
Hún tók fram í fyrir honum.
„Það var töluvert áfall í fyrst-
unni,“ játaði hún. Rödd hennar var
óþvinguð og eðlileg. „En í raun og
veru er ekkert til, sem heitir dauði,
sjáið þér til, aðeins breyting.“ Hún
bætti við: „Ég get líka sagt yður
það, að Gervase stendur nú rétt
fyrir aftan vinstri öxl yðar. Ég sé
hann alveg greinilega."
Vinstri öxlin á Riddle majór
kipptist ofurlítið til. Hann leit á frú
Chevenix-Gore hálf tortrygginn.
Hún brosti til hans daufu en glað-
legu brosi.
„Þér trúið þessu auðvitað ekki.
Það gera svo fáir. Fyrir mér er
andaheimurinn alveg jafn raunveru-
legur og þessi. En gjörið svo vel
og spyrjið mig hvers, sem yður
þóknast og verið ekkert hræddur
við að þér gerið mér leitt í geði.
Ég er ekki vitund hhuggin. Allt,
sem fram kemur við okkur, er ör-
lög. Enginn kemst hjá sinu karma.
Það stendur allt heima — spegillinn
— allt.“
„Spegillinn, frú?“ spurði Poirot.
Hún hneigði höfuð ofurlítið í átt
til spegilsins.
„Já, hann er brotinn, eins og þér
sjáið. Það er tákn! Þér kannist við
ljóð Tennysons? Ég var vön að lesa
það,~þegar ég var telpa — þó að
ég auðvitað gerði mér þá ekki grein
fyrir hinni dulrænu hlið þess.
„Spegillinn brast um þvert. „Bölv-
unin er yfir mér!“ æpti friíin af
Shalott! „Það er einmitt það, sem
henti Gervase. Bölvunin kom
skyndilega yfir hann. Ég held, skal
ég segja yður, að á flestum gömlum
ættum hvíli einhver álög ... Speg-
illinn brast. Hann vissi að dómur-
inn var fallinn! Álögin voru komin
fram!“
„En, frú, það voru ekki álög, sem
brutu spegilinn — það var byssu-
kúla!“
Frú Chevenix-Gore sagði, alltaf
jafn blíð og róleg:
„Það kemur allt í sama stað nið-
ur, ég segi yður satt ... Það voru
örlögin.“
„En eiginmaður yðar skaut sig.“
„Það hefði hann auðvitað ekki
átt að gera. En Gevase var ætíð
óþolinmóður. Hann gat aldrei beðið.
Tími hans var kominn — hann gekk
til móts við örlögin. Þetta er allt
mjög einfalt, vissulega."
Riddle majór ræskti sig gremju-
lega og sagði hvasst:
„Það kom yður þá ekkert á óvart,
að maðurinn yðar skyldi fyrirfara
sér? Höfðuð þér átt von á því, að
slíkt gæti komið fyrir?"
„Nei, nei.“ Hún glennti upp aug-
un. „Það er ekki alltaf hægt að sjá
framtíðina fyrir. Gervase var vissu-
lega mjög einkennilegur maður,
mjög óvenjulegur maður. Hann var
algerlega ólíkur öllum öðrum. Hann
var einn af hinum miklu endur-
borinn. Ég hef vitað það nú um
skeið. Ég held að hann hafi vitað
það sjálfur. Hann átti mjög erfitt
með að samstilla sig hinum ein-
feldnislega og lágkúrulega hugsun-
arhætti hversdagslífsins." Hún bætti
við, og horfði um leið yfir öxlina
á Riddle majór: „Nú brosir hann.
Hann brosir að því, hvað við séum
öll miklir kjánar. Eins og við raun-
verulega erum. Alveg eins og börn.
Látum eins og lífið sé veruleiki
og að það skipti einhverju máli ...
En lífið er aðeins ein hinna Miklu
Blekkinga.“
Riddle majór fann, að hann barð-
ist vonlausri baráttu og spurði í ör-
væntingu:
„Þér getið alls ekki gefið okkur
neina vísbendingu um það, hvers
vegna maðurinn yðar hefur svipt
sig lífinu?“
Hún yppti grönnum öxlunum.
„Það eru öfl að verki, sem setja
okkur í hreyfingu, þau ýta okkur
áfram ... Þér skiljið það ekki. Þér
hreyfizt aðeins á efnislega sviðinu.“
Poirot hóstaði.
„Svo að við höldum okkur við
efnislega sviðið, frú, hafið þér
nokkra hugsmynd um, hvernig mað-
Beztu og ódýrustu
bókakaup, sem vcl er
á hérlendis.
Til þess að fylgjast með
því, sem er að gerast í
heiminum, verður þú
að lesa
Úrval
Tímaritið ÚRVAL flyt-
ur greinar í saman-
þjöppuðu formi úr tíma-
ritum og blöðum í öll-
um heimsálfum, þar á
meðal íslenzkar greinar
— einvörðungu ÚR-
VALS-lestrarefni, fróð-
leik og skemmtan fyrir
alla. í hverjum mánuði
er ágrip af ÚRVALS-
bók.
ÚRVALSTÍMARIT eru
um heim allan vinsæl-
ustu tímaritin. T. d. er
Reader's Digest vinsæl-
asta tímarit heims, selt
á liverjum mánuði í 21
milljón eintaka.
2,500
SÍÐUR
Á ÁRI
FYRIR
AÐEINS
KR.
250.-
Ég undirr......... gerist áskrifandi að ÚRVALI og óska eftir að
mér verði sent blaðið mánaðarlega.
Naín: ..........................................
Heimilisfang: ..................................
□ Greiðsla fylgir.
□ Vinsamlegast sendið póstkröfu sem greidd verður við móttöku.