Vikan - 04.07.1963, Blaðsíða 15

ARMANN
SNÆVARR
rl
ALDRAR-
SPEGLI

3|| WjSM IJ&J
alhliða lærðasti lögfræðingur hér á landi á fræðilega vísu. Hann
er sannkallaður lögspekingur. Þekking hans stendur á traustum
fræðilegum grunni. Aftur á móti hefur hann að mjög litlu leyti
fjallað um hin raunhæfu lögfræðilegu vandamál hins daglega
lífs eða lausn á þeim.
Þegar litið er til hinnar geysilegu víðfeðmu lagaþekkingar
Á. Sn., er áhyggjuefni manna aðeins þetta: Kemur Ármann
Snævarr til með að leysa það viðfangsefni á viðunandi hátt að
miðla öðrum af þekkingu sinni og gera þekkingu þessa að al-
menningseign, þótt ekki væri nema að nokkru leyti. Þetta er
áhyggjuefni af þeim ástæðum, að hann á torvelt með að takmarka
viðfangsefni sín í ræðu og riti, eins og áður hefur verið greint frá.
RMANN SNÆVARR er fremur lágur maður
vexti og fíngerður. Framgangan er sérstaklega ljúfmannleg. And-
litið ber vitni um góðmennsku, skarpskyggni og sterkan vilja.
Hann er alþýðlegur og viðmótið er hið sama, hvort sem í hlut
á stórmenni eða lítilmagni. Þó kann hann vel að umgangast
„höfðingja“. Kurteisisreglum beitir hann, eins og hverjum öðrum
réttarreglum, eftir því sem við á hverju sinni. Hugtökin hroki
og dramb eru honum framandi. Sá, sem þessar línur ritar, dregur
mjög í vafa, að Á. Sn. eigi nokkurn óvin.
Ármann Snævarr hefur aldrei haft nein afskipti af stjórnmál-
um. Þó fylgist hann mjög vel með sérhverri hreyfingu á þeim
vettvangi. Hann hefur yndi af að bollaleggja um persónuleika
og ráðagerðir einstakra stjórnmálamanna. Lætur hann þá hvem
njóta sannmælis. Neikvæða dóma yfir mönnum kveður hann
aldrei upp, nema fýrir liggi lögfull sönnun. Miklu fremur gerist
hann verjandi fyrir fjarstadda menn, sem á kann að vera hallað.
f stjórnmálum fer Ármann ekki dult með andúð sína á öfga-
stefnum.
Ármann Snævarr er sannkristinn maður. Hann ber virðingu
fyrir trúmálum og helgisiðum kirkjunnar, enda kirkjurækinn.
Hann er kvæntur Valborgu Sigurðardóttur, uppeldisfræðingi,
Þórólfssonar, skólastjóra á Hvítárbakka. Þau eiga fimm börn.
Heimili þeirra er frábært. Ármann er bróðir sr. Stefáns, prests
að Völlum í Svarfaðardal og Árna, hins athafnarsama verkfræð-
ings, forstjóra Almenna byggingarfélagsins h.f.
Ármann Snævarr er ekki aðsópsmikill maður við fyrstu
sýn og vekur ekki mikla athygli. Hann er ekki framgjam
og hefur sig ekki í frammi á mannfundum að tilefnislausu.
Hlédrægni háir honum þó engan veginn. En strax við fyrstu sam-
ræður koma í ljós hinar slcörpu gáfur og hinn ljúfi persónuleiki.
Sumir halda því fram, að Á. Sn. geti ekki um annað talað en
lögfræði. Þetta er rangt. Auðvitað er honum lögfræðileg vandamál
hugleikið umræðuefni. En þeir, sem hefðu til að bera þekkingu
hans á þjóðfélagsmálum, bókmenntum og listum, þyrftu yfir
engu að kvarta.
ÁRMANN er maður, er ávinnur sér traust hvers,
sem á þess kost að kynnast honum. Hann er enginn áhlaupsmaður.
En meðfæddir eiginleikar ásamt þrotlausu starfi hljóta að færa
honum sigur eftir því, sem tíminn líður. Hann hefði því ungur
getað sagt, eins og Njáll forðum: „Kemsk, þó at seint fari“.
Þeir, sem þekktu til mannkosta og starfa Ármanns Snævars,
voru öruggir í þeim efnum, að sá dagur myndi koma, að hann
yrði æðsti maður Háskóla fslands. En þessi dagur kom miklu
fyrr, en menn bjuggust við. Þess munu vart dæmi, að háskóla-
rektor hafi áður verið undir fimmtíu ára aldri.
Þegar prófessorarnir völdu Á. Sn. til rektorsstarfans, vantaði
Háskólann aðeins 7 mánuði upp á hálfrar aldar afmæli sitt. Ljóst
var, að geysimikla vinnu þurfti að leggja í undirbúning væntan-
legra hátíðarhalda. Og í umræðum, þar sem spjallað er um
vinnufrekt starf, hlýtur nafn Ármanns Snævars að bera hátt.
Fræðimennska hans er hafin yfir deilur, eins og áður hefur verið
sýnt fram á. Hann hefur og til að bera virðuleika, slétta og fellda
Framhald á bls. 51.
VIKAN 27. tbl. —
15