Vikan - 04.07.1963, Blaðsíða 27

inu. Eftir stríðið reyndi hann að
„vinna fyrir sér á heiðarlegan
hátt“, eins og hann orðaði það.
Hann steypti sér út í „auglýsinga-
bransann", en gafst fljótlega upp
á honum. Þá reyndi hann að
græða á útvarpsstarfsemi, en „um
leið og ég heyrði í fyrstu flugvél-
inni yfir Madison Avenue, vissi
ég, að þar átti ég ekki heima.“
Árið 1949 uppgötvaði hann
gamla og laskaða Sopwith Camel,
fræga brezka flugvélategund úr
fyrra stríðinu í gamalli hlöðu í
New Yersey. Hann fékk ágirnd
á þessari flugvél, hóf leit að eig-
anda hennar og gafst ekki upp,
fyrr en hann fann hann. Sá seldi
honum leifarnar af þessari vél
ásamt fimm öðrum forngripum
Iúr fyrra stríðinu.
Skömmu eftir þetta fór Frank
)
til Evrópu í leit að fleiri fágæt-
um vélum og komst þá meðal
annars yfir Blériot-vélina frá
1909, sem var fyrsta flugvélin,
sem flaug yfir Ermarsundið.
Af öllu þessu fór hann að verða
harla blankur. Til þess að ráða
bót á því, tók hann að fljúga fyr-
ir kvikmyndaver, og það var
ekkert venjulegt flug. í kvik-
myndinni „The Last Time I Saw
Archie“ lét hann sig hrapa á
Fairchild-flugvél til þess að full-
nægja kröfum kvikmyndahand-
ritsins, og í „Wake Me When It‘s
Over“, brotlenti (,,crash-landed“)
hann P-51 á einu hjóli átta sinn-
um, áður en kvikmyndaleikstjór-
inn var ánægður.
Þar fyrir utan flaug hann svo
undir brýr og gegnum flugskýli
og gerði yfirleitt hvað sem var,
til þess að fullnægja kröfum
þeirra, sem þurftu á ofurhuga
fluglistarinnar að halda.
Þó tók fyrst fyrir alvöru í
hnúkana, meðan á töku kvik-
myndarinnar „It‘s a mad, mad,
mad, mad world“ stóð. Þá flaug
hann í gegnum kóka kóla
skilti, flaug fast upp að flug-
turninum, renndi flugvélinni á
160 mílna hraða gegn um flug-
skýli, og síðast, en ekki sízt,
renndi flugvélinni á mikilli ferð
inn í matsölu á flugvellinum.
Fleiri fást svo sem við að bjóða
hættunni byrginn á flugi. Judy
Cole, smávaxin, fíngerð og lag-
leg kona, hefur atvinnu af því
að standa á flugvélarvæng, með-
an eiginmaður hennar, Duane
Cole gerir kúnstir sínar á flug-
vélinni, flýgur á hvolfi, fer ó-
hæfilega nálægt mannvirkjum og
svo framvegis.
Og svo væri ekki úr vegi að
nefna allra nýjasta sportið í flug-
inu. Það er fólgið í því, að fara
úr bíl, sem ekur á fullri ferð, upp
í flugvél, sem flýgur yfir bíln-
um og fer með sama hraða og
hann. Þetta gerist þannig, að úr
flugvélinni lafir kaðalstigi, sem
ofurhuginn verður að ná í og
handlesa sig upp eftir, þangað til
hann er kominn nógu hátt til þess
að geta notað fæturna líka. Það
þarf víst ekki að taka það fram,
að við þetta sport er ekki hægt
að koma við neinu öryggi, svo
sem að festa fimleikamanninn
með böndum við vélina eða ann-
að slíkt. Það er ekki um annað
að ræða en að bíta á jaxlinn og
trúa á sjálfan sig. *
Og Tallman enn. Hér flýgur liann á Blériot-flug-
vélinni frá 1909, og í för'með honum er annar brezk-
ur forngripur, Lockheed Vega frá 1927.
Að standa á vængjunum er vinsælt sport. Jafnvel,
þegar flugvélin er á hvolfi. Hér er á ferðinni lítil
og fíngerð kona, Judy Cole, og það er maður hennar,
Duane Cole, sem flýgur vélinni.