Vikan - 18.03.1965, Blaðsíða 7

mikið vélarafl (þarf helzt að
vera hægt að láta hann spóla á
malbiki). Xöffgæ eða Töffi þýð-
ir: Strákur, sem að minnsta kosti
á yfirborðinu er harður og dálítið
óheflaður. Stælgæi er allt annað.
Stælgæi er algerlega „í stælnum“
hvað kladðaburð snertir. Hann
getur vitaskuld líka verið töffi
en þarf ekki nauðsynlega að vera
það.
LENNON EÐA RINGÓ?
Kæri Póstur.
Við erum hér tveir strákar
sem erum að rífast um það hver
syngi lagið „She is a Woman"
sem The Beatles leika, annar
okkar heldur að það sé John
Lennon, en hinn heldur að það
sé Ringo Starr. Og nú spyrjum
við þig hvor þeirra það sé. Við
vonumst eftir svari útúrsnún-
ingslausu í næsta blaði.
Tveir ósammála.
Útúrsnúningalaust, þá hafið
þið báðir rangt fyrir ykkur.
Samkvæmt upplýsingum þekktr-
ar hljómplötuverzlunar hér í
borg, er það bítillinn Paul Mc
Cartney, sem syngur þetta lag.
EKKERT UNDAN DREGIÐ
Vestmannaeyjum 12 febr. 1965.
Sælir verið þið þarna hjá Vik-
unni. Ég hef aldrei skrifað ykk-
ur áður, en tilefni þess að ég
ræðst í það nú eru bréf, sem þið
birtuð í póstinum annað frá frú
á Austfjörðum, en hún talar þar
um að sagan af Angelique sé
ljót og ógeðsleg og ég veit ekki
hvað. Ef við nú förum bara að
lesa sögu liðins tíma, sjáum við
bara að þó lífið hafi kannske
ekki verið alveg eins og sagt
er frá í sögunni var það þó mjög
svipað. Þessvegna álít ég nauð-
synlegt að lesa einmitt svona
sögur, því þá hugsa menn frek-
ar um að forða bæði sér og öðr-
um frá því að lenda í nokkru,
sem kæmist í líkingu við það,
sem sagan af Angelique segir
frá. Annars er sagan mjög
skemmtileg og þið skuluð bara
halda óhræddir áfram á sömu
braut með Vikuna, strákar, því
það eru einmitt þið, sem náið til
fólksins.
Svo var hitt bréfið frá ein-
hverri Karólínu, en hún er eitt-
hvað óánægð með morguntón-
leika útvarpsins, en ég segi fyrir
mig að skemmtilegasta og bezta
tónlist, sem ég heyri í útvarpinu
er þegar ég heyri hinn mikla
meistara Thoralf Tollefsen.
Mundu þið vilja og geta birt
mynd af honum ásamt myndum
af Carl Jularbo og Gellin og
Borgström, því engir hafa oftar
og lengur skemmt íslenzkum út-
varpshlustendum en einmitt þeir,
með smálesningu um þá.
Með kærri kveðju og hjártans
þökk fyrir Vikuna.
Björn að austan.
Það eru ekki allir sammála um
það Björn, að alltaf megi segja
frá lífinu í sögum eins og það
gengur fyrir sig. En það gæti
líka hugsazt að lífið á þessum
timum, sem frá er sagt í Angeli-
que, hefði verið eim harkalegra.
Við þökkum góð ummæii og
athugum með birtingu á þessum
heiðurs harmonikukörlum bráð-
lega.
„SKRIFAÐU BÆÐI SKÝRT OG RÉTT"
Kæra Vika.
Ég er 17 ára og það er mikið
áhyggjumál hjá mér hvað ég
skrifa illa, svo illa að ég þori
ekki einu sinni að láta ykkur
sjá það. Getið þið ekki bent mér
á skriftarkennara, sem tekur
fólk í einkatíma?
Ég les alltaf Vikuna mér til
ánægju, alltaf framhaldssögurn-
ar og svo hafa komið núna smá-
sögur, sem ég hefi garnan af, t.d.
sagan um skólastrákana sem
ekki ætluðu að giftast, það verð-
ur erfitt fyrir þá greyin. Komið
þið endilega með svona sögur,
sem við ungu stúlkurnar og fleiri
hafa gaman að.
Bless
Krákutá.
Þú vélritar ljómandi lögulega,
Krákutá, en það er að sjálfsögðu
slæmt að vera ekki skrifandi.
Þú ættir til að byrja með að fá
þér góða forskrift og æfa þig á
eigin spýtur. Þú verður að reyna
að læra að skrifa alveg að nýju
og þá skaltu leggja áherzlu á,
að hugsa skriftina alveg uppá
nýtt sem gersamlega nýtt fyrir-
brigði. Guðmundur I. Guðjóns-
son, skriftarkennari við Kenn-
araskólann, hefur til dæmis gefið
út forskriftarbækur, sem munu
fást í bókaverzlunum. Með þeim
eða öðrum álíka bókum ættirðu
að geta öðlazt nýja og betri
skrift.
SUNNUDAGSBLAÐ TIHANS
flytur fróðlega þætti um líf og sögu þjóðar
vorrar, skrifaða af ritsnjöllum mönnum. —
Blaðið er nú þegar orðið dýrmætt safnrit, og
mun innan tíðar verða ófáanlegt nema með
geypi verði.
AFGREIÐSLAN, Bankastræti 7, sími 12323.
LANCOME
REVLON
MAX-FACTO R
INNOXA
SHANTUNG
Höfum yfirleytt
fjölbreytt úrval
af þessum heims-
þekktu snyrtivörum
i •*- *
n.u.5t
VIKAN 11. tbl. rj