Vikan - 24.03.1966, Page 15
Ringo Starr er nýlega búinn
að leggja sér til skegg, með
fullu samþykki frúarinnar.
Nú er bara eftir að vita hvort
það verður lagt á mannkynið
að sjá alla þessa hárprúðu
pilta með skegg í ofanálag!
Áður en komizt yrði að muster-
inu til að saga það niður, varð
að sprengja frá því hundruðþús-
undir tonna.af sandsteini.
Nú hífa þeir
Farao upp
Það er sjálfur Ramses annar,
sem hlýtur þessa meðferð, sá
sami faraó, sem var svo nízkur
á kaup við g-yðinglega verka-
menn sína, að þeir gerðu stræk
og ösluðu frá honum yfir Rauða-
hafið. Ramses þessi lét meðal
annars reisa sér hellamusteri eitt
mikið við Abú Siubel, skammt
frá núverandi landamærum Eg-
yptalands og Súdan. Þar eru
meðal annars tröllauknar högg-
myndir af Ramsesi sjálfum og
drottningu hans. Musteri þetta
var fyrir löngu komið á kaf í
foksand, er enskur fornleifafræð-
ingur fann það 1817. Það var
síðan grafið upp og hefur síðan
verið mikið augnagaman fyrir
túrista.
Svo kom Nasser til skjalanna
með sína Assúanstíflu, sem hlaut
að hafa í för með sér, að muster-
ið færi í kaf. Þetta þótti flestu
menningarlega þenkjandi fólki
mikið mein, sem von var til, og
gekkst UNESCO, sem hefur með
kúltúrmál að gera fyrir Samein-
uðu þjóðirnar, fyrir framkvæmd-
um til að bjarga musterinu. Hef-
ur fjárhæð, sem svarar til tólf
til þrettán hundruð milljóna ís-
lenzkra króna, verið lögð fram
til verksins. Sex fyrirtæki frá
ýmsum þjóðum eiga hlut að
framkvæmd þessari og hafa í
vinnu fimmtán hundruð manna
frá sextán þjóðum.
Musterið, sem grafið var um
sexítíu metra inn í bergið, er
sagað sundur í smástykki — með
handsögum! Vélsagir má ekki
nota, því titringurinn frá þeim
gæti vildið miklum spjöllum á
hinum verðmætu fornleifum.
Stykkin eru svo númeruð og flutt
þangað sem musterið skal hlaðið
upp úr þeim að nýju — um kíló-
meters vegalengd frá stíflunni.
■33tlað er að verkinu verði end-
anlega lokið 1968.
Þetta er Sandra Spence, sautján
ára gömul skólastúlka, sem sagt
er að sé fyrsta ást brezka ríkis-
arfans.
Ánægður faðir
Passer hefur eignazt dóttur,
sem hlaut nafnið Josefine.
Hapn er mjög natinn við tát-
una og verður ekki skota-
skuld úr því að sldpta um
bleyju á henni. Hann segir að
hún hafi erft augun frá móð-
ur sinni en fæturna frá sér,
svo að hún verði ekkert í
vandræðum í framtíðini.
Charles prins
sendur
að heiman
„Charles elskar Söndru“,
stendur skrifað á húsvegg í
skozka bænum Elgin, sem er
rétt hjá skólanum Gordons-
toun, þar sem krónprins Breta
stundar nám. Það er sagt að
það sé í og með ástæðan fyrir
því að prinsinn hafi verið
sendur til Ástralíu. Stúlkan
heitir Sandra Spence og er
sautján ára gömul skóla-
stúlka, dóttir lögfræðings í
Elgin. Einn af þekktustu
borgurum þessa bæjar er Al-
astair Georg Mitchell og hann
er kunnur konungsfjölskyld-
unni um tuttugu ára
skeið. Hann segir: — Það er
lítill vafi á því að það er
vegna Söndru að Charles
prins hefur verið sendur til
útlanda þetta skólaár. Allir
bæjarbúar vita um það og
sömuleiðis fólkið við Gor-
donstoun skólann. IConungs-
fjölskyldan vill ekki að prins-
inn sé bendlaður við nokkra
stúlku, hvað þá stúlku af
borgaraættum, meðan hann er
svo ungur að árum. Það er
vonandi að móður hans verði
að ósk sinni, að drengurinn
gleymi ástinni sinni í ástr-
alska skólanum, annars getur
hann átt á hættu að verða
sendur út í auðnina. Opin-
berlega er sagt að hann sé
þarna í stúdentaskiptum, en
þetta er í fyrsta sinn sem
nokkur meðlimur brezku kon-
ungsfjölskyldunnar er sendur
í útlendan skóla.
\
V,