Vikan - 24.03.1966, Blaðsíða 20
Ungt og nýgift fólk dreymir að
sjálfsögðu um það að fá íbúð,
en þar næst að geta farið í húsgagna-
verzlun og keypt sér sófasett, borð-
stofusett og guð má vita hvað þau
heita öll þessi sett sem boðin eru
nú til dags. Þessu fólki mætti segja
til viðvörunar að fátt er ömurlegra en
að koma inn á heimili og hafa það
helzt á tilfinningunni, að maður sé
staddur í rétt einni húsgagnaverzlun-
inni. Þannig vill það vera, þegar fólk
tekur sig til og kaupir á einu brettti
það sem það telur sig vanta. Að mað-
ur nú ekki tali um það, að auðvitað
er það tekk og aftur tekk, sem á
boðstólum er og þar af leiðandi ekki
um annað að ræða.
Þau heimili verða alltaf persónu-
legust þar sem hlutirnir hafa komið
smám saman eftir þörfum, þar sem
húsráðendur hafa flýtt sér hægt og
valið hvern hlut af vandfýsi. Það
þurfa ekki allt að vera nýir munir
og sízt af öllu úr tekki. Hitt er svo
annað mál að tekk hefur mikla kosti
sem hráefni til húsgagnagerðar, það
sér ótrúlega lítið á því við hnjask hins
daglega lífs og það er útaf fyrir sig
heilmikill kostur. En þess ber að
Framhald á bls. 34.
O Stofa hjá ungum hjónum, sem ekki höfðu efni á því að kaupa sófasett. Þess í
stað náðu þau í tvo gamla, en vel útlítandi körfustóla og settu í þá púða. Snæris-
teppið á gólfinu fer framúrskarandi vel við þessa stóla og sömuleiðis bókaskápur-
inn, borðin og blaðakarfan sem raunar er kassi, allt úr furu og geirneglt. Bekkurinn
í horninu sem einnig er úr furu, er notaður þegar gesti ber að garði, og þá er tyllt
á hann púðum til hæginda. Það eru raunar líka púðar á gólfinu, ef einhver vill vera
eins og heima hjá sér og hreiðra um sig þar.
ý Hér er enn ein stofa, sem segja má að sé öðruvísi en það sem gengur og gerist.
Þetta er að vísu í Frakklandi og Fransmenn hafa aldrei lagt sig fram um það að
vera eins og aðrir svo ekki sé meira sagt. Hér er byggður fastur sökkull í vinkil undir
sófann og lausir púðar í baki og setum. í horninu hefur blómagrind verið hleypt nið-
ur í sökkulinn. Sófaborðið er líka með föstum sökkli, en platan er ljósmáluð og nær
langt út fyrir sökkulinn. Gömul kista rósmáluð er hér í forgrunni myndarinnar og
gegnir líka hlutverki sófaborðs. Teppið á gólfinu er ljósbrúnt og gróft.