Vikan - 18.08.1966, Blaðsíða 17

Jazz og
þjöðlög
skemmti-
legust
Þekkið þið kollana?
Þessir hárprúðu menn skipa vinsæla unglingahljómsveit í Reykjavík.
Segir
Erla Stefánsdóttir
Hljómar ti
Einn góðvinur okkar gaukaði því að okkur ekki alls
fyrir löngu, r.ð Sandie Shaw væri farin að syngja
með honum Ingimar Eydal í Sjálfstæðishúsinu á
Akureyri. Þegar við fórum að grennslast fyrir um,
hvað hæft væri í þessu máli, kom í ljós, að söng-
konan unga var alls ekki Sandie, heldur 18 ára
gömul stúllca frá Akureyri, Erla Stefánsdóttir. Erla
hefur nú sungið um eins árs skeið með hljómsveit
Ingimars Eydals. Ilún leysti Vilhjálm Vilhjálmsson
a? liólmi, en Vilhjálmur stundaði í vetur leið nám
við Háskóla íslands, en jafnframt hefur hann sung-
ið með hljómsveit Magnúsar Ingimarssonar á Röðli.
Erla scng áður fyrr með hljómsveitinni Póló frá
Akureyri. Sú hljómsveit er raunar enn í fullu fjöri
og heitir nú Póló og Bjarki. Póló-hljómsveitin flakk-
ar mikið um, og Erla segist sakna ferðalaganna að
vissu leyti, þótt hún kunni á allan hátt vel við sig
í Sjálfstæðishúsinu.
En hvernig músik finnst henni skemmtilegast að
syngja?
— Ef ég inætti ráða, kysi ég helzt jazzmúsik. Ég
cr mjög hrifin af Nancy Wilson og einnig þykir mér
gaman að Cillu Black. Sandie Shaw? Nei, mér finnst
litið í hana varið. Mér þykir líka gaman að þjóð-
iögum — þ.e. ósviknum þjóðlögum, sérstaklega írsk-
um. Valsa og tangóa og fleira því skylt þykir mér
hálf leiðinlegt að syngja.
Erla er ekkert yfir sig hrifin af bítlamúsik. Segir
þó, að sér þyki gaman að mörgum lögum Bítlanna
og örfáum lögum Rollinganna.
— Og bezt hefur mér fundizt að syngja fyrir
krakkana í Menntaskólanum á Akureyri. Þeir koma
oft í Sjálfstæðishúsið á veturna og eru svo sérstak-
lega þakklátir.
Nervus á sviðinu?
— Nei — ekki nú orðið!
Um miðjan júní sl. fengu Illjómar tilboð um að kama til Bandaríkjanna og dveljast þar um fimm
ára skeið. Þeir hafa nú gengið að þessu tilboði og hefur samningur þegar verið undirritaður í viðurvist
bæjarfótgetans í Keflavík.
Að öllu forfallalausu munu Hljómar innan skamms halda til Chicago og leika þar um nokkurt skeið
en halda síðan í hljómleikaferð vítt og breitt um Bandaríkin. Þegar við höfðum samband við Gunnar
Þórðarson fyrir skömmu, sagði hann, að þeir félagvr hygðu gott til þessarar ferðar enda væri hér um
einstaklega gott tilboð að ræða. Piltunum er tryggð viss lágmarksupphæð á viku og að auki frítt uppi-
hald og fæði, en fyrirtækið, sem greiðir götu þeirra vestan hafs, hefur aðstöðu til að koma þeim áfram
í skemmtanaiðnaðinum. Ætti það tæpast að vera miklum crfiðleikum bundið, þar sem þeir eru á plötu-
samning við voldugasta plötuútgáfufyrirtæki heims, brezka fyrirtækið E.M.I. Við munum að sjálfsögðu
fylgjast með ferðum Hljóma vestan hafs og þeir hafa lofað að senda okkur línu við og við!
Erlingur.
Rúnar.
Gunnar.
Pétur.
COMET
Þetta er hljómsveitin Comet frá Akureyri, en piltarnir heita, tal-
ið frá vinstri: Óskar Kristjánsson, Bjarki Jóhannesson, Theódór
Ilallsson og Brynleifur Hallsson. Þeir hafa víða komið fram og
jafnan hlotið hinar beztu viðtökur. Þeir komu fram á bítlahljóm-
leikum, sem efnt var til á Akureyri í vetur leið, en á hljómleik-
um þessum var vinsælasta hljómsveitin kjörin. Hlutu piltarnir
efsta sætið í keppni þessari. í sumar munu þeir sennilega ferð-
ast um landsbyggðina og ef til vill bregða sér í heimsókn til höf-
uðborgarinnar.
The Seekers sungu nýlega fyr-
ir 110 þúsund manns í heima-
borg sinni, Melbourne í Ástr-
alíu. Undirleik annaðist sinfón-
íuhljómsveit, skipuð 200 mönn-
um . . . Sonny og Cher hafa
leikið í fyrstu kvikmynd sinni.
Myndin heitir „High Camp" ...
Kærleikur er sagður milli Her-
manns, söngvara The Hermits
og hinnar ungu skozku söng-
konu Lulu . . . Vinsældir Bob
Dylans fara óðum rénandi. Á
hljómleikum í Dublin nýlega
var hann píptur út af sviðinu
í seinni hálfleik. Dylan, sem til
skamms tíma lét sér nægja að
syngja við eigið gítarundirspil,
hefur nú tvö tonn af rafmagns-
hljóðfærum og heilan skips-
farm af spilurum, þegar hann
kemur fram . . . Donovan virð-
ist verá búinn að syngja sitt
síðasta vers . . . Brezkt tímarit
efndi nýlega til skoðanakönn-
unar meðal 130 brezkra ungl-
inga um það, hver væri vin-
sælasti Bítillinn. Könnunin
leiddi í ljós, að Paul á mest-
um vinsældum að fagna. Hann
hlaut 43 atkvæði, John 37,
Ringó 22 og George 20. Það
voru einkum stúlkurnar, sem
kusu Paul, en hins vegar átti
John mestu fylgi að fagna hjá
piltum . . .
VIKAN 17