Vikan - 14.09.1967, Blaðsíða 48
Snohr snckkin í ísOin
Óvenjulegur bógur á 357 tonna al-ál skemmtisnekkju, sem verður sú
stærsta sinnar tegundar, er smíðuð hefur verið í Bretlandi, sést hér þar
sem verið er að koma honum fyrir. Snekkjan verður um 46 metrar á
lengd, 9 metra bógvídd og hefur rúmgóða klefa fyrir átta farþega og
sex til sjö manna áhöfn. Skipið, sem verður knúð díselvélum og með
þessu einkennilega kjallagi, sem breytir öldumynduninni, mun ná 17
hnúta hraða.
Fullkomin sjúkdóms-
greining fyrir bíla
Fyrsti „rafeindalæknir“ í Bretlandi þarf að-
eins klukkutima til að athuga 170 mikilvæga
staði í bíl. Fyrsta verkstæðið af þessu tagi
hóf nýlega að „praktísera“ í London. Raf-
eindatækin, sem notuð eru, kosta svo mikið
sem 4.8 milljónir króna (í London, okkar
ágætu tollskrá tekst vafalaust að gera upp-
hæðina enn myndarlegri), og með þeim er
vélin stillt, bremsur reyndar, Ijós stillt, elds-
neytiseyðsLan athuguð, og annað gert, sem
gera þarf venjulega á 10—20 þúsund km
fresti. Viðskiptavininum er boðið sæti í vist-
legri setustofu og fylgjast þaðan með verk-
inu, eða sinna erindum sínum í skrifstofu
sem einnig er látin í té. Að þjónustu lok-
inni, fylgir henni 5000 km eða 90 daga ábyrgð,
hvort sem fyrr næst.
Þríhjólabílar eru lítt þekktir hér á landi og
hafa hvergi náð neinum verulegum vinsæld-
um. Þó er alltaf verið að burðast við að
framleiða þetta og hér er einn nýr brezkur,
kallaður Reliant Supervan. Hann er fjögra
strokka 600 ccm, fjögra gíra og fer með um
fjóra lítra af benzíni á hundraðið. Fram-
leiðandinn heldur því fram, að fækkun hjóla
um eitt þýði 25% sparnað, en gæti ekki kom-
ið til mála, að þeim mun færri hjól þýddi
sama og þeim mun meira álag á hvert?
48 VIKAN
37. tbl.