Vikan - 15.07.1971, Blaðsíða 24

„Mér finnst ég ekki geta
kallað mig listamann,
VIKAN heimsækir Jón S. Gunnarsson, leikara og spjallar við hann um heima og geima.
Jón Símon Gunnarsson heitir
einstaklega dagfarsprúður ung-
ur maður hér í bæ. Hann er
lausráðinn leikari við Þjóð-
leikhúsið og hefur leikið nokk-
ur hlutverk þar að undanförnu,
auk þess að hafa leikið Fal
bónda Betúelsson i sjónvarps-
leikritinu „Kristrún í Hamra-
vík“ og gert sitthvað fleira.
„Ég kalla mig ekki leikara,
sé leikari listamaður,“ sagði
Jón, þegar við heimsóttum hann
á heimili hans og foreldra hans
í Heimunum ekki alls fyrir
löngu. „Mér finnst ég einfald-
lega ekki hafa unnið fyrir því
ennþá og því skrifa ég mig ein-
faldlega Jón S. Gunnarsson. í
símaskránni er ég ekki titlaður
„leikari" af sömu ástæðu. Ef
til vill geri ég það einhvern-
tíma, en fyrst þarf ég að sanna
fyrir sjálfum mér að ég eigi
það skilið.“
Jón segist upphaflega ekki
hafa ætlað að leggja fyrir sig
leiklist, hún hafi aðeins verið
fjarlæg draumsýn, en svo hafi
hann ekki staðizt freistinguna.
í þessu viðtali okkar var hann
mjög hreinskilinn og rakti sögu
sína, ef svo má segja, og byrjaði
auðvitað á byrjuninni-
„Ég geri mér ekki alveg grein
fyrir því hvenær það var sem
ég fékk „delluna“,“ sagði hann,
„en þegar farið var með mig til
að sjá barnaleikritin í Þjóð-
leikhúsinu hér áður fyrr fannst
mér það alveg óskaplega spenn-
andi og stórkostlegt. Og áhug-
inn hefur víst verið það mikill,
að þegar ég var eitthvað 12—13
ára, þá stofnaði ég brúðuleikhús
ásamt góðum vini mínum. Þá
bjuggum við í Bústaðahverfinu
og seldum inn á krónu eða
krónu og fimmtíu og sýningar
fóru fram í miðstöðvarherberg-
inu í kjallaranum heima hjá
honum.
Þarna lékum við leikritin
og sömdum allt sjálfir. Vinur
minn hafði miklu dýpri rödd en
ég og lék alla kallana en ég fékk
Atriði úr Zorba, þar sem Jón lék sitt stærsta hlutverk til þessa, Nikos,
eða „fóstra" eins cn Zorba kallaði hann. A myndinni hér að neðan er
Jón í hlutverki Fals Bethúelssonar í „Kristrúnu í Hamravík".