Vikan - 10.01.1974, Blaðsíða 48

mig drqymai
ENDURFÆÐING
Kæri draumráðandi!
Mig langar til að biðja þig um að ráða fyrir mig
draum, sem mig dreymdi fyrir stuttu.
Mér fannst ég vera dáinn og vera hjá guði og vera
að horfa niður á jörðina. Þá fannst mér ég sjá dóttur
mina þar niðri. Hún er ógift, en í draumnum fannst
mér hún vera gif t og haf a eignazt dóttur. Hún og mað-
urinn hennar voru mjög hamingjusöm með barnið.
Svo varð hún ófrísk aftur og ég spurði drottin, hvort
ég mætti fara aftur niður á jörðina og vera hjá henni.
Rétt áður en ég vaknaði, var hún búin að eignast barn-
ið og það var ég. Hún hélt á mér í fanginu og ég var
svo hamingjusamur af því að hún var svo góð við mig.
Virðingarf yllst,
S.ó.
Guð er alltaf fyrir friði og hamingju í draumi og að
vera dáinn hefur oftast verið talið merkja langlífi.
Þér er því óhætt að búast við löngu og hamingjuríku
lífi og traustri og óbilandi gagnkvæmri vináttu ykkar
feðginanna. Þessi draumur er á engan hátt fyrir dag-
látum, sem kallað er, það er að segja, að hann boðar
engan einn afmarkaðan og ákveðinn atburð.
BARN I
RÓSRAUÐU SKÝI
Kæri draumráðandi!
Ég ætla að biðja þig að ráða fyrir mig stuttan
draum, sem mig dreymdi. Hann var á þessa leið:
Mér fannst ég vera stödd úti undir berum himni.
Það var fagurt vetrarkvöld og ég leit upp í himininn
og sé rósráutt ský, sem teygði sig í allar áttir og skipti
litum í blátt, rautt og hvítt. Og inni í miðju skýinu var
alveg nýfætt barn. Ég var eitthvað svo hamingjusöm
og skyndilega stóð kærastinn minn við hliðina á mér
og við horfðum bæði á þetta.
Kær kveðja og þakkir.
Oh — Manuella
Því miður Manuella erum við hrædd um að þessi
draumur sé ekki boðberi eins mikillar gæfu og i f Ijótu
bragði kann að virðast. Þú skalt samtekki hafa neinar
verulegar áhyggjur. Sennilega hefurðu bara verið að
hugsa um kærastann þinn, áður en þú sofnaðir, og
draumfarirnar beinzt inn á sömu brautir.
ÓLAG
Kæri draumráðandi !•■
Viltu ráða fyrir mig þennan draum, því að ég held
að hann sé fyrir einhverju mikilvægu.
Mér fannst ég standa á hafnargarðinum heima í
mjög vondu veðri. Vinkona mín var þarna með mér.
Þá sjáum við hvar bátur kemur að utan. Það var eins
og mennirnir í bátnum ættu bágt með að stýra honum,
því að hann var stundum svo að segja kominn upp í
f jöru. Báturinn var eins og lítil skel á sjónum, hoppaði
og skoppaði. Mennirnir um borð réðu ekkert við sig.
Þeir ultu bara f ram og til baka. Þá sé ég að St. bróðir
minn er kominn upp á stýrishúsið, en um leið ríður ó-
lag yf ir báfinn og St. tekur fyrir borð. Hann datt ekki í
sjóinn, heldur kastaðist upp í f jöru. Á meðan stóðum
við á haf nargarðinum og hlógum, því að okkur f annst
þetta afskaplega sniðugt. Rétt á eftir hitti ég O. vin-
konu mína, en pabbí hennar átti bátinn. Ég fór að
spyrja hana um þetta og þá sagðist hún hafa séð þetta
allt saman úr eldhúsglugganum heima hjá sér og hún
hló líka mikið að þessu.
Jæja, ég vona að þú birtir þetta, eða að minnsta
kosti ráðninguna.
Frikka
Bróðir þinn verður afar fengsæll á sjónum i vetur,
en eitthvað virðist slettast upp á vinskapinn hjá þér og
vinkonum þínum, en ástæðan kemur ekki fram í
draumnum.
PÁFAGAUKAR
Kæri draumráðandi!
Viltu vera svo vænn að ráða þessa tvo drauma fyrir
mig. Mig dreymdi þá, sinn hvora nóttina. Annar var
þannig, að mér fannst ég standa við einhvern glugga
og horfa út. Þá sá ég heilan f lokk af páfagaukum og
þeir stefndu allir á gluggann. Ég varð hissa á að sjá
páf agauka á f lugi úti eins og veðráttunni er háttað hér
á islandi. En alltaf stefndu þeir á gluggann. Mér
fannst eins og þeir ætluðu að fljúga á gluggann og
færði mig frá. En þá flugu þeir allir inn um opinn
gluggann og fylltu næstum því herbergið. Einn páfa-
gaukanna settist á þakið á næsta húsi og virtist ekki
þora inn um gluggann. Ég virti fyrir mér páfagauk-
ana og f annst einhvern veginn að þeir hef ðu f logið inn
í leit að skjóli og að ég ætti að passa þá og að þeir
treystu á mig. Samt tók ég tvo þeirra og setti þá út til
að gá, hvort þeir væru ákveðnir í að vera h já mér. Þeir
f lugu strax inn aftur. Þá fór ég og náði í þennan eina,
sem var úti á þaki. Mig dreymdi eitthvað meira um
það, að ég væri að passa f uglana, en ég man það ekki
greinilega.
Hinn draumurinn var þannig, að mér fannst ég vera
komin með ofsalega mikið hár á lærin, alveg f rá rassi
og niður á hné. Og mér f annst ég segja við mömmu að
ég yrði að láta taka þetta af mér.
Lengri varð þessi draumur ekki.
Vonandi sérðu þér f ært að ráða þetta f yrir mig.
Með fyrirfram þökkum.
Pá fagauka mamma
P.S. Ég þakka gott efni í Vikunni. Ef þú vilt ráða
draurrtana, þarftu ekki neitt frekar að birta þá.
Páfagaukarnir eru þér fyrir miklum gleðskap í
stórum kvennahópi. Þú tekur þátt í miklu félagslífi,
þar sem nær eingöngu eru stúlkur og þar verðurðu
valin leiðtogi hópsins. Það kann að vera, að þú farir á
húsmæðraskóla, en þó er það alls ekki vfst, því að það
eru alls ekki einu staðirnir, sem ungar konur hópast
saman á.
Hárvöxturinn á lærunum er þér hins vegar fyrir
f járhagslegum ábata. Hann verður allverulegur, en
það er alls ekki vist, að þú verðir sérstaklega ánægð
með hann.
SVAR TIL LÁRU
.Taktu þennan draum ekki of nærrí þér, því að hann
boðar engar stórbreytingar í lífi þínu. Hann er í hæsta
lagi fyrir einhverjum smávægilegum lasleika í fjöl-
skyldu þinni.