Vikan - 04.08.1977, Blaðsíða 9

/ —
— Af hverju er svona góð lykt?
Tvær af hverjum þremur ensku
konum klæðast nærfötum frá
Marks & Spencer.
★
Verð fyrir stúlkur sem seldar hafa
verið í vændishús í Indónesíu, er
um 260 þús. ísl. kr. fyrir hreina
mey, en 175 þús. fyrir þær, sem
áður hafa verið giftar.
★
Tíu kýr ropa jafnmiklu gasi og
þyrfti til að hita upp lítið
einbýlishús.
★
Dr. Keate, skólastjóri Eton-skól-
ans, skipaði nemendum skólans
að vera „hreinhjartaðir." ,,Ef
ekki," sagði hann, ,,skal ég
flengja ykkur þangað til þið verðið
það." Eitt sinn flengdi hann 80
nemendur skólans opinberlega og
er hann lést árið 1852 hafði honum
hlotnast sá heiður að flengja
helming biskupa, generála og
greifa, sem þá voru á lífi. En nú
vantar flengingameistara...
★
— Gerðu þér grein fyrir því
drengur minn, að það þarf tvo
til þess að stofna til hjúskapar,
dóttur mína og móður hennar.
I NÆSTU VIKU
HUGSUNARHÁTTUR
OKKAR ER ENNÞÁ DÁ-
LÍTIÐ Á APASTIGINU
Pétur Guðjónsson heitir íslenskur maður, sem starfar í
aðalskrifstofu Sameinuðu þjóðanna í New York. Nánar
tiltekið er hann félagsfulltrúi í deild, sem fjallar um
félagsþróun og mannréttindamál. Á sínum tima
stundaði Pétur nám i Harvard-háskóla og seinna í
Chile. Það var einmitt þá sem hann lenti i frægu
blaðaviðtali við Castró, forsætisráðherra Kúbu, en það
vakti mikið umtal, bæði hér heima og annars staðar. í
næstu Viku birtist bráðskemmtilegt viðtal við Pétur.
TÖNLISTIN MALAR
ÞEIM GULL
Sænska hljómsveitin ABBA á nú miklum vinsældum
að fagna og er sigurför þeirra um heiminn nú líkt við
Bítlaæðið á sínum tíma. Vikunni hafa borist margar
fyrirspumir um hljómsveitina og það er þvi ánægjulegt
að geta loksins glatt lesendur með grein um hana.
ABBA hefur á tæplega fjórum árum selt 25 milljón
hljómplötur um allan heim og á sér aðdáendur á öllum
aldri. Af hverju er ABBA svona vinsæl? í næstu Viku
verður ítarleg grein um ABBA, sem vonandi fer ekki
fram hjá neinum aðdáanda.
SÍÐBUIÐ KVENNAÁR
ÁPAPÚU
Kvennaárið með hápunktinum 24. október er svo löngu
liðið hér á íslandi, að það er varla minnst á það lengur.
Eins og menn muna, var þetta alþjóðleg framkvæmd,
og áhrifanna gætti víða um heim. Á Papúu, sem er
hluti af Nýju Guineu, máttu konurnar hins vegar ekki
vera að þessu fyrr en árið 1976. En þær létu ekki sitt
eftir liggja, þótt þær færu seint i gang, og í næstu Viku
birtum við myndir og frásögn af mikilli kvennahátíð í
Chimbufylki á Papúu.
TVÆR SMÁSÖGUR
í næstu Viku birtast tvær smásögur. önnur er stutt.
rómantísk ástarsaga eftir Marlene Shyer og nefnist hún
Tvær vikur í ágúst. Hitt er aftur á móti löng og
spennandi sakamálasaga, sem heitir Sér grefur gröf og
ereftirC. B. Gilford. ..Netið var svo kænlega spunnið,
að jafnvel hinn snjalli lögfræðingur. Hugh Hannon. sá
það ekki fyrr en of seint. Netið átti að veiða hann
sjálfan, og ef hann léki ekki með, var bæði frami hans
og heiður konu hans i veði.”
VIKAN Útgefandi: Hilmir hf. Ritstjóri: Kristín Halldórsdóttir. Blaðamenn: Aðalsteinn Ásb. Sigurðsson,
Anna Kristine Magnúsdóttir, Sigurjón Jóhannsson. Útlitsteiknari: Þorbergur Kristinsson. Ljósmyndari:
Jim Smart. Auglýsingastjóri: Ingvar Sveinsson. Ritstjórn, auglýsingar, afgreiðsla og dreifing í Síðumúla
12. Símar 35320___35323. Pósthólf 533. Verð í lausasölu kr. 350. Áskriftarverð kr. 3.900 fyrir 13 tölublöð
ársfjórðungslega, eðn kr. 7.370 fyrir 26 tölublöð hálfsárslega. Áskriftarverð greiðist fyrirfram. Gjalddagar:
Nóvember, febrúar, maí, ágúst.