Vikan - 11.01.1979, Blaðsíða 16
~7
UNDARLEG ATVIK
Framhald af bls. 7.
fóru að beygja til Reykjavíkur, hvessti og
stormurinn beint á móti. í tvær klukku-
stundir héldu þeir beint í veðrið, en ekkert
gekk, þá rak heldur til hafs. Bátsmennirnir
tóku að verða vondaufir um, að þeir
myndu nokkru sinni ná með þessum hætti
til Reykjavíkur og tóku nú að tala um að
snúa til baka.
Kona ísleifs og fósturdóttir voru framar-
lega í bátnum. Hann hafði búið um þær
eftir því sem hægt var, því þær voru
sjóveikar. Þegar bátinn tók að reka til hafs
kallaði formaður til ísleifs og segist vilja
snúa aftur inn á Hvalfjörð, en spyr ísleif þó
hvernig honum lítist á það. En áður en
hann getur svarað kallaði konan hans á
hann og fer hann til hennar, en um leið
finnst ísleifi Svendsen koma til sín og segja
við sig: „Þið megið ekki snúa aftur, nema
þið skerið frá ykkur hrísbátinn. En best er
fyrir ykkur að halda áfram, það fer bráðum
að ganga og þið komist öll heim í kvöld.”
Þetta varð til þess að ísleifur fór aftur til
mannanna og spurði þá, hvort þeir vildu
sleppa hrísbátnum. En það vildu þeir ekki.
„Viljið þið þá fara eftir því sem ég segi?”
segir ísleifur og féllust þeir á það. „Þá
skulum við halda áfram, ég held að lygni
bráðum.” Þeim var þetta mjög nauðugt, en
gerðu það samt. Eftir stundarfjórðung tók
svo að lygna dálítið og þeir komust svolítið
áfram. Smátt og smátt færðust þeir svo til
Reykjavíkur og náðu þangað heilu og
höldnu að lokum.
Ekki er óhætt að fullyrða að svo vel
hefði farið, hefðu þeir snúið bátnum til
baka og taldi ísleifur að illa hefði farið.
Annaðhvort hefðu þeir brotið bátinn og
allt farist eða orðið að sleppa bátnum með
viðinn, sem var mjög mikils virði. Taldi
ísleifur að rödd Svendsen hefði þama
bjargað þeim frá vísum voða.
Margar sögur væri hægt að segja af þeim
furðum sem fram komu í sálrænum
hæfileikum þessa manns, þó hér verði að
sinni að láta staðar numið.
En sjálfur varð ísleifur sannfærður um
þetta:
1. Að við lifum eftir dauðann og hann sé
aðeins flutningar á annað tilverusvið.
2. Að ástvinir okkar sem þangað eru
komnir fylgist með okkur hér á jörðinni og
geti leiðbeint okkur, ef við leggjum til
skilyrðin.
3. Að til séu vemdarandar sem séu sendi-
boðar frá æðri stigum tilvemnnar til að
vernda okkur og leiðbeina og það sé mikið
undir okkur sjálfum komið hvort við
höfum þeirrar verndar not eða ekki. Endir
g::ði
Pylsupottur með kryddi
500 g GOÐA-pylsa, t.d. reykt
medister eða dalapylsa
1 stór laukur
2 tsk karrý
1 tsk kúmen
2 msk hveiti
4 dl vatn
2 súputeningar
1 epli
1 /2 sellerírót
1. Skerið pylsuna í bita og laukinn í
sneiðar.
2. Kraumið laukinn í örlitilli feiti,
bætið pylsubitunum í og brúnið
aðeins.
3. Stráið karrýinu í pottinn og látið
það sjóða upp. Bætið kúmeninu í.
4. Hrærið saman hveiti og vatn og
hellið því í pottinn, hrærið vel í á
meðan.
5. Rífið eplið og sellerírótina út í
pottinn og látið sjóða í nokkrar
mínútur. Bragðbætið með salti, pipar
og súputeningum ef þörf krefur.
Berið kartöflur, hrísgrjón og/eða
grænmeti með.
Biximatur úr pylsum
500 g GOÐA-pylsur, t.d. búrpylsa
eða dalapylsa
6 soðnar kartöflur
2 epli
2 laukar
2 sneiðar reykt flesk
3 dl rjómi
1 msk kínversk soja
salt, pipar.
1. Afhýðið epli, lauk og kartöflur,
sneiðið laukinn, en skerið epli og
kartöflur í bita ásamt pylsum og
fleski.
2. Steikið flesk og lauk á pönnu og
bætið eplunum út í.
3. Síðan eru pylsur og kartöflur sett
út í, og þegar allt er vel heitt í gegn er
rétturinn bragðbættur með rjóma,
soju, salti og pipar eftir smekk.
Borið fram með hrásalati, grófu
brauði eða steiktu eggi.
Ath.: Hér má fækka hitaeiningum
með því að nota GOÐA-reykt flesk
úr hnakka í stað flesks úr síðu og
kaffirjóma, rjómabland eða jafnvel
mjólk i stað rjóma. Reynið líka
sýrðan rjóma, en látið þá ekki sjóða í
pottinum eftir að sýrða rjómanum er
blandað í.
Eggjakaka með pylsu og
osti
200 g GOÐA-pylsa t.d. búrpylsa eða
paprikupylsa
1 dl rifinn ostur
4 egg
1 dl rjómi
1/2 tsk salt
1 /4 tsk pipar
2 msk smjör
1. Skerið pylsuna í bita.
2. Þeytið eggin og rjómann sitt í
hvoru lagi. Blandið því varlega
saman og kryddið.
3. Hellið deiginu á vel smurða
pönnu. Hristið pönnuna við og við.
4. Stráið pylsubitum og rifnum osti
yfir kökuna og látið hana stifna við
vægan hita.
5. Leggið kökuna saman og berið
hana fram vel heita með hrásalati.
Fyllt brauð
1 lítiðfranskbrauð
1 bolli mjólk
Skerið brauðið sundur að endilöngu
og holið það að innan. Bleytið
helminginn af innihaldinu upp í
mjólkinni.
Fylling:
steinselja
laukur
paprika, allt saxað smátt
harðsoðin egg
GOÐA-pylsa skorin í bita
GOÐA-kjötfars og brauðblandan
blandað saman.
1. Blandið öllu saman sem á að vera í
fyllingunni og leggið á neðri helming
brauðsins.
2. Leggið efri hlutann ofan á.
3. Vefjið brauðið inn í álþynnu og
bakið það í ofni við 250°C í u.þ.b.
eina klukkustund. Berið hrátt eða
soðið grænmeti með.
Brauðið bragðast einnig vel kalt og
hentarþví vel í nesti. Til tilbreytingar
mætti nota hamborgarabrauð, pylsu-
brauð eða önnur smábrauð.
Þeir sem leggja áherslu á hollan mat
nota að sjálfsögðu heilhveitibrauð.
16 Vikan 2. tbl.