Vikan - 15.02.1979, Blaðsíða 63
Vikan og tísku-
teiknun
Kæri Póstur!
Viltu segja mér hvert ég á að
snúa mér. Mig langar til að
lcera tískuteikningu. Ég hef
ekki heyrt um svoleiðis skóla.
Mig langar líka að vita ýmis-
legt um innanhússarkitektúr.
Hvort það er kennt hér og þá
hvar.
Mér finnst Vikan góð
stundum. Poppþátturinn, Blái
fvglinn og framhaldssögurnar
eru best ogsvo auðvitað
Pósturinn. Það mcetti vera
meira af því nýjasta í tískunni
og mérfundustflottar
myndirnarí Bláa fuglinum um
daginn.
Vertu bless, Póstur minn.
Tískuteiknarinn.
Tískuteiknun sem slík er ekki
kennd hér á landi, en þú getur
tekið fyrstu tvö árin í Mynd-
lista- og handíðaskólanum og
síðan farið utan til náms. Sömu
sögu er að segja um innanhúss-
arkitektúr, það er einungis
kennt erlendis, en forskólinn í
Myndlista og handíðaskólanum
ætti að vera þér gott veganesti.
Þakka umsögn um efni Vik-
unnar, það er alltaf jákvætt að
fá að vita skoðanir lesenda á því.
Höfuðverkur
Kæri Póstur!
Hvað er hægt að gera við
stöðugum höfuðverk? Ég er
þrettán ára strákur og hef haft
höfuðverk í tvo mánuði og er
alveg að verða vitlaus. Er ekki
til eitthvert meðal við því
annað en magnyl. Ég held að
magnylið sé hætt að hafa áhrif
á mig.
Svaraðu sem fyrst. pa//j
Farðu strax til læknis, því
Pósturinn læknar lítið með
svarinu einu saman. Þetta getur
verið af ýmsum orsökum svo
sem blóðleysí, streitu og mörgu
öðru sem Pósturinn kann ekki
einu sinni að nefna. Hættu
þessu magnyláti undir eins því
það gerir þér ekkert gagn, ógagn
ef eitthvað er.
Heimilisfang
Kœri Póstur!
Viltu gjöra svo vel að birta
heimilisfangið hennar Rutar
Reginalds og símanúmerið.
Aðdáandi
Nei, kæri aðdáandi, það gerir
Pósturinn örugglega ekki.
Reyndu bara að ímynda þér
hvernig það er að vera þessi
stúlka sem á allan þennan ijölda
af aðdáendum. Það eiga allir rétt
á að hafa einkalif sitt í friði og sá
réttur er ekkert þýðingarminni
hjá poppstjörnum.
Hin sérkennilega
Tóta tannlausa
Kæri Póstur!
Hvað á ég að gera? Þannig
er mál með vexti að ég er a/veg
ferlega skotin í einum æðislega
sætum strák og skemmtilegum
og mig langar til þess að biðja
þig að leysa eitt ástarvandamál,
svona þér til tilbreytingar, hm!
En það versta við allt saman er
að hann vill ekki sjá mig og
það eina sem hægt er að finna
að mér er að ég er bara:
Rangeygð, sköllótt, hjólbeinótt,
hundleiðinleg, forljót, tannlaus.
bólugrafin og með kryppu. Og
ég bara spyr: Hvað er að því?!
Ha! Hvað á ég að gera?
Með fyrirfram þökk.
Tóta tannlausa.
Þetta er alveg rétt hjá þér með
ástarvandamálin, Pósturinn
hefur bara gaman af einu, svona
til tilbreytingar! Þitt virðist
svona við fyrstu sýn nokkuð
snúið, en það þarf nú alls ekki að
vera með öllu vonlaust. Þú gætir
fengið þér fínar postulínstennur
hjá tannlækninum, látið
augnlækni skera upp á þér
augun, farið með fæturna á þér
til beinasérfræðings, látið snyrti-
stofu um bólurnar, dregið inn
kryppuna og sagt brandara allan
sólarhringinn. Takir þú þennan
kost er bara að vita hvort
elskhuginn æskilegi verður enn sá
eini rétti í þínum augum eftir allt
bramboltið. íhugaðu málið vel
og rækilega, því þinn heitt-
elskaði gæti til dæmis verið með
ólæknandi áhuga á öllu
sérkennilegu í tilverunni og þá
hefur þú óneitanlega talsvert
forskot á flest annað kvenfólk.
Sporrekjandinn
William Jon Watkins
skráði eftir frásögn
Tom Brown
ÞVERMÖÐSKU-
FULLI BJÖRNINN
FEBRUAR
o
ÁRÁSIN Á
FORSETA-
HÖLLINA
Tiltölulega nýr vímugjafi, PCP, er ódýr og auðfenginn
— og um leið einhver allra hættulegasti vímugjafinn,
sem fram hefur komið.
, ,ENGLARYK’ ’
- ÓÚTREIKNANLEGI MORÐINGI
BÓK Í BLAÐFORMI
7- tbl. Vikan 63