Vikan - 05.04.1979, Blaðsíða 42
Minkur hjá
Stjórnarrádinu
Mig dreymdi að ég varstödd niðri í
bæ hjá Stjórnarráðshúsinu. Umhverjis
húsið var há girðing, og fannst mér
bletturinn þar vaxinn háu grasi. Á
blettinum voru á beit sex kýr. Barna-
vagn stóð á miðjum blettinum, að mér
fannst. Allt í einu voru komnir tveir
minkar inn á blettinn. Kýrnar
ókyrrðust og fóru að reyna að forða
sér. Þrjár þeirra stukku yfir
girðinguna, en það furðulegasta var að
þær sem sluppu beit minkurinn, en
hinar þrjár festust á girðingunni. Fór
nú barnið í vagninum að gráta. Mér
fannst ég reyna að verja barnið fyrir
minknum og tókst það. Fannst mér
þetta vera barn kunningjakonu
minnar, en hún á ekkert svona lítið
barn. Amma barnsins gaf mér gullúr
fyrir að verja barnið. Draumurinn
varð ekki lengri. Mér þætti vænt um
ef þú gætir birt svar við þessu.
M.Á.S.
Að einhverju leyti er þessi draumur
bending til þín að fara gætilega í
fjármálum og treysta ekki um of á
annarra forsjá. Einnig eru þarna tákn
um að sigrist þú á öllum erfiðleikum
muni þér hlotnast mikil farsæld og
lánsemi í framkvæmdum.
Og Jesús horfði
hvasst á mig
Kæri draumráðandi!
Mér finnst þessi draumur alveg
frábær, og mig langar að biðja þig að
ráða hann fyrir mig.
Mér fannst ég vera í kirkju. Þar var
fullt af fólki, margir, sem ég þekki, en
líka margir, sem ég þekki ekki. Jæja,
ég sat þarna og hlustaði á prestinn, og
mér fannst enginn fylgjast með nema
ég. Presturinn stóð uppi i ræðu-
stólnum og messaði, og allt I einu
fannst mér hann benda til vinstri og
segja mér að líta þangað. Ég leit
þangað, og þar var mynd af Maríu
mey, og hún hélt á ungbarni (sem ég
held, að hafi átt að vera Jesús). Hún
brosti til mín og sagði mér að líta í
hina áttina (hún talaði ekki, en mér
fannst ég lesa það úr augunum á
henni). Ég leit í hina áttina, en þar sá
ég mynd af Jesú. Hann var með geisla-
baug, og það Ijómaði allt í kringum
Mig
dreymdi
hann. Hann horfði dálítið hvasst á
mig, og fyrst varð ég dálítið hrædd, en
svo sá ég, að hann hafði svo falleg
augu (blá) og að hann brosti til mín,
og mér fannst eins og hann segði mér
að koma. Þá gekk ég upp að altarinu,
og vinkona mín, sem hafði farið með
mér í kirkju, kom á eftir mér. (Hann
hafði ekki talað, heldur hafði mér
fundist hann segja það með augunum).
En er við gengum upp, fórum við inn í
lítið herbergi, sem er til hliðar við
altarið, náðum þar í rúllu af hvítum
pappír og breiddum hann þvert yfir
altarið, þannig að allir í kirkjunni sáu
hann. Ég veit ekki, af hverju við
vorum að sýna fólkinu hann, en það
stóð ekkert á pappírnum, hann var
alveg hvítur. Mér fannst þetta allt svo
eðlilegt. Er við vorum búnar að halda
þessu svona smá stund tók ég þetta
saman og setti á sinn stað. Gekk ég þá
aftur í sætið mitt, og fannst mér þá
Jesús brosa til mín og kinka kolli. Þá
tók ég eftir rúðuglerjunum í kirkjunni,
sem voru sérstaklega falleg. Allur þessi
draumur var í fallegum litum og allur
mjög skýr. Ég tók vel eftir, að áklæðið
á kirkjubekkjunum var úr rauðu,
sléttu flaueli. En ég man ekki, um
hvað presturinn talaði.
Virðingarfyllst.
Ein að norðan.
í rauninni er þetta ekki slæmur draumur
en góður getur hann þó varla talist.
Líklega verður þú fyrir þvi að einhver
eða einhverjir ásaka þig fyrir eitthvað og
þá ekki með öllu að ósekju. Þér væri
fyrir bestu að vanda breytni þína betur í
ákveðnu efni, því annars gætir þú borið
skaða af. Líklega hefur skapið verið
býsna öfgakennt og því betra að reyna
að stilla sig og þá sérstaklega í sambandi
við nána vini og ættingja. Þó eru innan
um mörg tákn, sem boða þér einungis
gott og þú getur átt von á að allt fari að
ganga betur en nú er.
Umkringd ógeðslegum
pöddum
Kæri draumráðandi!
Viltu ráða þennan draum fyrir mig,
ef hann merkir eitthvað:
Mig dreymdi fyrirstuttu, að ég var
úti að ganga með vinum mínum, og
við vorum stödd í grænum dal. Þar
ákváðum við að setjast niður og hvíla
okkur. En allt í einu var ég (bara ég)
umkringd ógeðslegum pöddum. Þetta
voru stórar, alls konar flugur og fleiri
skordýr. Mér fannst ein stór, græn
fluga ætla að setjast á handlegginn á
mér, en þá fór ég að garga, og við það
vaknaði ég.
Með fyrirfram þökk fyrir birtinguna,
Gulla
Erfiðleikar í einkalífi steðja að þér um
tíma, en líklega eru það aðeins tíma-
bundin vandræði og þú ættir ekki að
hafa af þessu miklar áhyggjur. Hafðu þó
í huga að ekki er alltaf allt gleymt, sem
geymt er.
Gullhjarta með rauðum
steini
Kæri draumráðandi!
Mig langar að biðja þig að ráða fyrir
mig draum, sem er á þessa leið: Ég var
stödd í vinnunni, og ég var að opna
skápinn minn, og í honum voru þrjár
öskjur og einn kassi. í öskjunum voru
þrír gullhringir með mismunandi
stórum Ijósbláum steinum, mjög
fallegum. En í kassanum var gullhjarta
með rauðum steini. Síðan lokaði ég
skápnum. En mamma labbaði framhjá
mér og lét sem hún þekkti mig ekki.
L.J.
Nýir vinir munu skjóta upp kollinum og
einhver rómantík gæti spilað þar inn í
atburði. Farðu varlega í að treysta
ókunnugum og gættu þess að vera ekki
of auðtrúa. Nýir vinir geta verið ágætir
en samt er engin ástæða til að gleyma
þeim gömlu. Þú skalt sérstaklega varast
að dæma fólk eingöngu eftir þjóðfélags-
legum metorðum og ytri stöðutáknum.
Hlustaðu líka á ráðleggingar, sem móðir
þín gefur þér i því sambandi, því hún
hefur aðeins gott í hyggju og getur á
margan máta orðið þér að liði.
42 Vikan 14. tbl.