Vikan - 05.04.1979, Blaðsíða 71
vegi að þú skrifaðir
Poppkorninu beint og legðir
þar fram þínar hugmyndir um
gallalausan poppþátt, því ekki
eru allir á sama máli í þessu efni
fremur en öðrum.
Myndir þú vilja
kyssa stelpu
með spengur?
Kæri Póstur!
Ég ætla að gerast svo djörf
að biðja um smádálk af þínu
dýrmæta plássi. Þú mátt min
vegna gera fyrirsögnina eins
hlægilega og þú vilt, en ég bið
þig um að setja upp alvöru-
svipinn og hafa svarið gott og
laust við grín. Auðvitað er
ástæða fyrir því að ég skrifa
þér. Annað brjóstið á mér er
stærra en hitt. Munurinn er
greinilegur. Er eitthvað að?
Viltu gefa mér gott ráð, helst
eitthvert annað en að fara til
læknis. Það gæti ég aldrei. Þú
ert sá fyrsti, sem ég segi frá
þessu.
Ég er líka mjög hrifin af
strák, sem er 14 ára og sætur,
en svolítið feiminn eins og ég
sjálf. Okkur kemur vel saman
og vinkona mín og vinur hans
eru saman. Við förum stundum
fjögur saman í bíó og Jleira.
Ég hefði séns í hann, ef ég
hefði ekki spengur. Mundir þú
byrja með stelpu með spengur?
Ég held ekki. Ég myndi ekki
gera það. Það hlýtur að vera
vont að kyssa stelpu með
spengur, heldurðu það ekki?
Er ekki nokkuð óeðlilegt að
tveir mánuðir líði á milli
blæðinga? Ég hef alltaf haft
reglulegar blæðingar.
Jæja, reyndu að finna góð
svör og endilega birtu bréfið.
G.j.
Alvörusvipurinn er á sínum stað
og vonandi er þér ósárt um þessa
fyrirsögn, eða finnst þér kannski
allt hlægilegt? Pósturinn reynir
sjaldnast af ásettu ráði að gera
bréfritara hlægilega. Þér er
óhætt að hætta að hafa áhyggj-
ur af brjóstastærðinni og
blæðingunum, því þú ert enn að
þroskast. Það er ekki óalgengt
að sumir hlutar líkamans stækki
í öfugu hlutfalli við aðra og
blæðingar séu óreglulegar, en
það jafnast svo síðar. Því miður
getur Pósturinn ekki vísað þér á
annað en að fara til læknis, ef þú
vilt fá einhver ákveðin svör. En
sé það þér svona mikið á móti
skapi ættirðu bara að nota þolin-
mæðina og biða í nokkur ár
ennþá. Hafi drengurinn áhuga á
þér geta spengur á tönnum varla
tafið framkvæmdir, þá er miklu
liklegra að feimnin sé ástæða
fyrir aðgerðaleysinu. Hvað
stelpur með spengur varðar, er
það mikil samviskuspurning.
Hm, ja, ef Póstinn langaði að
kyssa einhverja ákveðna stelpu,
þá telur hann ólíklegt að nokkrir
tannvírar hefðu þar nokkuð að
segja. Þegar ástin er annars
vegar hefur sagan sýnt okkur að
jafnvel heilar heimsálfur verða
vart taldar til hindrana á
veginum.
Rafvirkjanám
Ég ætla í rafvirkjanám og mig
iangar að vita hvað langan
tíma námið tekur í Iðnskólan-
um og hve lengi ég þarf að
vera hjá meistara. Bið að heilsa
ruslakörfunni.
Verðandi rafvirki.
P.S. Eru miklar vinnulíkur í
rafvirkjun?
Allt nám í Iðnskólanum tekur
fjögur ár i allt. Þú þarft að vera
mislangan tíma hjá meistara í
rafvirkjun og fer hann eftir því
hvort þú ferð í undirbúnings-
deildina eða ekki. Nánari
upplýsingar um þetta færð þú
hjá Iðnskólanum. Það er betra
fyrir þig að snúa þér beint til
þeirra, því svar í litlum bréfa-
dálki getur varla orðið tæmandi.
Vinnulikur í rafvirkjun fara að
sjálfsögðu eftir öðru ástandi í
þjóðfélaginu, en til þessa hafa
þær verið alveg ágætar.
Við þolum hvor
aðra ekki
Kæri Póstur!
Þetta er í fyrsta sinn, sem ég
skrifa þér, en ég vona að þú
svarir mér.
Ég er búin að eiga vinkonu í
þrjú ár en fyrir þremur
mánuðum byrjaði hún að vera
með stelpu, sem ég þoli ekki.
Vinkona mín er með okkur til
skiptis, en við þolum ekki hvor
aðra. Hvað get ég gert til að fá
vinkonu mína aftur. Ekki segja
mér að láta hana eiga sig.
Bæ, bæ gamli minn.
Ein ráðalaus
Póstinum flaug alls ekki í hug að
segja þér að láta vinkonuna sigla
sinn sjó. Hins vegar ættir þú að
skoða hug þinn vel og reyna að
gera þér grein fyrir hvers vegna
þú þolir ekki hina vinkonuna.
Langsennilegast er að þú sért
afbrýðisöm út í hana og það sé
einnig það sama, sem hrjáir
hana. Þið viljið báðar hafa
vinkonuna eina og satt að segja
hlýtur hún að vera í slæmri
aðstöðu, milli tveggja elda er oft
sagt í svona tilvikum. Taktu þér
tak og talaðu við vinkonu þína.
Segðu henni að þú hafir áhuga á
að kynnast þessari nýju vinkonu
hennar og þér finnist bara betra
að vera þrjár saman. Nýja
vinkonan getur verið stór-
skemmtileg og þá verður þú fljót
að gleyma fyrri tilfinningum
gagnvart henni.
... við vorum að ná landi, veðrið er gott
og ég vildi óska, að þú gætir verið hér
hjá mér. Kveðjur, Leifur heppni.
eltist við aðrar konur, hann myndi
ekkert vita, hvað hann ætti að gera
við þær.
14. tbl. Vlkan 71