Vikan - 15.01.1981, Blaðsíða 15
Dagur í lífi Óla H
sem ekkert þekkir til hans. Þess vegna
verður að breyta sjónvarps-Palla. sem einu
sinni gat allt i umferðinni, í ósköp venju-
legan Palla, því hann Binni bankastjóri
er alveg vonlaus arftaki. Hann er ekki
einu sinni krakki. Það þýðir ekkert að
segja krökkunum að taka sér banka-
stjóra úti í bæ sér til fyrirmyndar i
umferðinni, þau gætu tekið upp á því að
segja, ,já, en hann er fullorðinn,” eða
eitthvað þvi um líkt. Umferðarmerkjum
hefur lika fjölgað stórlega og útbúa þarf
ný verkefni.
Orðskviðir Salómons og Óli
H.
Margrét er farin og lagt er á ráðin
með það sem eftir er dagsins. Ljóst er að
hann er talsvert þéttskipaður. Hádegið
notar Óli til að skreppa niður í útvarp og
finna til plötur í Vikulokin, en klukkan
5-7 verður hann með slökkviliðs-
mönnum að taka upp kafla í þáttinn. Þá
er gott að vera búinn að finna plöturnar
sem til þarf meðefninu.
„Gestabókin," segir Óli við gesti sína
áður en haldið er af stað. „Ég læt fólk
stundum skrifa i hana til gamans.”
Gestabókin er hlaðin spakmælum úr
Orðskviðum Salómons og auðvitað er
spennandi að sjá hvaða speki hefur lent
á deginum hans Óla. Hér er nefnilega
skrifaðá afmælisdaga en ekki í timaröð.
„Sál letingjans girnist og fær ekki, en
hinna iðnu mettast ríkulega," stendur
við dagsetninguna 5. febrúar. og þar
hefur Óli H. Þórðarson skrifað nafnið
sitt. Óli H. ætti að geta litið á
uppskeruna því sjálfsagt yrði umsókn
hans I hóp hinna lötu snarlega hafnað.
12.45
Utvarpshúsið við Skúlagötu er
reyndar hús Fiskifélagsins. En á 4„ 5. og
6. hæð kúrir Ctvarp Reykjavík. Á 6.
hæð er Óli H. farinn að hugsa til
hreyfings eftir að hafa fundið til
heppilegar plötur í þáttinn þeirra
Vikulokafólks. Þarna á hæðinni er ys og
þys, Jón Múli er kominn í frakkann og
með hlýlega húfu og er að fara. Svavar
Gests fer fagmannlegum höndum um
spjaldskrána. Óli H. virðist fastur milli
tveggja voldugra útdreginna skápa, en
þegar betur er að gáð er hann bara að ná
sér í plötu í viðbót.
Starfsfólk tónlistardeildarinnar er á
ferðinni, Knútur R. Magnússon situr
með eyrnaskjól, athugull á svip. Skyldi
hann vera að fá næði til að hugsa eða
hljómar kannski ný hljómsveitar-
útsetning á niundu sinfóniunni í eyrum
hans?
I þröngum húsakynnum
tónlistardeildarinnar.
Óli heilsar og kveður á báða bóga.
Hann er kominn fram, hittir fyrir
Guðna Kolbeinsson. „Ég tek undir
áskorunina til þín, sem var i
Dagblaðinu,” segir Óli. „ég vona að þú
ætlir ekki að gera alvöru úr þvi að
hætta.” Fleiri taka í sama streng, en
Guðni andmælir. Smáspjall og svo er
haldið niður stiga. Næst á dagskrá er
stefnumót við Guttorm Þormar verk-
fræðing, en hann hefur umsjón með
gatnakerfi borgarinnar. „Mikilvægt er
að eiga gott samstarf við mennina sem
hafa framkvæmdavald, þvi Umferðar-
ráð og starfsmenn þess er aðeins ráðgef-
andi,” segir Óli. „Guttormur er einn
þeirra."
Gatnamót til athugunar
Óli og Guttormur hittast auðvitað á
þeim stað sem er til umfjöllunar að
þessu sinni. Það eru gatnamót Stjörnu-
grófar og Bústaðavegar við enda Soga-
vegar. Þeir spjalla saman,
skoða aðstæður og hugleiða hvað sé best
til úrbóta. Gaddurinn úti fyrir fær lítiðá
þá og áhuginn á efninu er meiri en einn
kuldaboli fær unnið á. Svona geta
úrbætur í gatnakerfi Reykjavíkur
einmitt átt sér stað. Óli er kunnugur á
þessum slóðum, hann býr einmitt i Foss-
voginum. Stundum fær hann
ábendingar utan úr bæ og kemur þeim
sem þarflegastar eru á framfæri við rétta
aðila. Hann veit hverjir þessir réttu
aðilar eru.
Símarnir, bréfin, skilaboðin,
gestimirl
Þegar komið er aftur á skrifstofuna
bíða skilaboð frá Helga E. Helgasyni á
sjónvarpinu. Óli á að hringja i hann. Það
er ekki langt samtal, síðan hringir
síminn og enn hringir. Óli er kominn I
tvo síma áður en hann veit af.
Gesti ber að garði en hafa stutta
viðdvöl og næsta heimsókn er innan-
húss. Guðmundur Þorsteinsson rekur
inn nefið, en þá er Óli kominn í símann,
það er prentsmiðjan, litaval á umferðar-
leiðbeiningum er rætt. Guðmundur
reynir aftur en nú er Óli kominn í tvo
sima. „Svona er það oft,” segir
Guðmundur og dæsir. Nú er öðru
simtalinu lokið og Óli fer að tala við
jsann sem beið. Það verður langt símtal.
Enn reynir Guðmundur að líta inn en
snýr aftursem fyrr.
Óli leggur tólið frá sér. „Það er oft
hringt i okkur utan úr bæ. Stundum
hefur fólk séð eitthvað sem það vill gera
athugasemd við, akstursmáta eða
aðstæður.”
I sumum tilvikum er hægt að gera
eitthvað í málunum, ef aðstæður eru til
umræðu. „Svo þarf fólk að geta talað