Vikan - 15.01.1981, Blaðsíða 62
Sykursýki
Elsku Póstur.
Þetta er ífyrsta skipti sem ég
skrifa þér. Ég vona að þú viljir
birta bréfið og vona að Helga
sé södd þegar bréfið kemur.
Ég er ekki í ástarvanda eins
og svo margar aðrar. Svona er
vandamálið. Ég fékk sykursýki
þegar ég var 13 ára. Þetta
hefur varað í 3 ár og nú er ég
orðin 16 ára og ég er að verða
vitlaus og get ekki annað en
framið sjálfsmorð. Eg þarf
alltaf að vera að sprauta mig.
Það er óþolandi. ofsalegt vesen.
Eg má ekki drekka vín en mig
langar svo mikið til þess þegar
aðrir krakkar fara að skemmta
sér. Þá fæ ég aldrei annað en
fresca ogsykurlaust pepsi. Ég
laumast oft lil að kaupa mér
gott með sykri í en ég má það
ekki. Þegar égfer út með
krökkum þá kaupa þau gott og
mig langar svo í en sykurlausa
gottið er frá útlöndum og er
dýrt að fá það hingað. Hvernig
væri nú að íslensku sælgætis-
verksmiðjurnar hæfu
framleiðslu á sykurlausu
sœlgæti? Það væri mörgum
svkursjúkum mikill léttir og
myndi spara nóg ef það væri
bara svolítið ódýrara. Jæja, nú
verð ég að hætta. Blessaður
birtu bréfið. Og þá þökk fyrir
birtinguna.
Bæbœ.
Ein með svkursýki
Pósturinn finnur mjög til
vanmáttar síns gagnvart vanda-
máli þínu. Það er skiljanlega
fjarska erfitt að sætta sig við að
geta ekki lifað eðlilegu lífi vegna
sjúkdóms eða annarrar fötlunar.
Reyndu engu að síður að líta á
jákvæðu hliðar málsins. Lyfið
(insúlín) sem þú þarft að sprauta
þig svo oft með gerir þér einmitt
kleift að fara i skólann, umgang-
ast félagana og i stuttu máli sagt;
lifa lífinu. Áður en insúlinið
kom til sögunnar var sykursýkin
mun skelfilegri sjúkdómur en nú
er. Pósturinn vill benda þér á að
í Reykjavík eru til samtök sykur-
sjúkra. Þangað skaltu leita hafir
þú ekki þegar gert það.
Símanúmer samtakanna er i
simaskránni. í þessum
samtökum er fólk sem hefur við
sams konar vandamál að stríða
og getur veitt þér siðferðilegan
stuðning.
Pósturinn vill taka undir
áskorun þina til íslensku
sælgætisverksmiðjanna um að
hefja framleiðslu á sykurlausu
sælgæti. Til viðbótar mætti
bæta við áskorun til yfirvalda að
ráðstafanir verði gerðar til að
lækka verð á sætindum fyrir
sykursjúka þannig að þeir sitji
við sama borð og aðrir hvað
þetta varðar.
Hin fullkomna
getnaðarvörn
karlmannsins
Góðan daginn.
Einu sinni var . . . (hí, hí).
Okkur langaði að koma á fram-
færi mikilvægri raunvísri
spurningu um hina fullkomnu
getnaðarvörn karlmannsins:
A) Hvort og hvenœr þá slík
getnaðarvörn sé væntanleg
hérlendis?
B) Ef svo vildi til að hún sé
komin á markaðinn án
vitundar okkar hvernig hægt
væri að komast í tæri við slíkt
undralyf?
Ef svo illa vildi til að Helga
vœnti einhvers í sarpinn þá
hefur hún ekkert vit á þessum
málum og það síður á líffræði-
legum grundvelli.
Siggi og Magga
í Reykjanesskóla
v/Djúp.
Hvað er svona fyndið?
Pósturinn er alveg grútspældur
að fá ekki að heyra meira. En
hvað um það. Til eru tvær
fullkomnar getnaðarvarnir
karlmannsins.
Hvorug er beinlínis á
markaði og sjálfsagt fellur ykkur
hvorug í geð. Sú allra öruggasta
og fyrirhafnarminnsta er að
ganga í kynlífsbindindi. Hin
aðferðin er að láta gera á sér
ófrjósemisaðgerð. Hún felst í því
að skorið er á sæðisleiðarana.
Um aðrar fullkomnar getnaðar-
varnir fyrir karlmenn er
Póstinum (sem er þó fjölvitur)
ekki kunnugt um. Lengi hafa
staðið yfir umfangsmiklar
tilraunir bæði austan hafs og
vestan til að framleiða örugga
pillu fyrir karlmenn, en af þeim
er því miður ekki neitt nýtt að
frétta.
Feitt hár
Elsku Póstur.
Vandamálið sem ég ætla að
biðja þig að levsa, elsku besti
Póstur, er að ég er með svo
ferlega feitt hár. Til dæmis þarf
ég að þvo hárið á mér næstum
því á hverjum degi. Þetta er
mjög spælandi því ég er með
fremur fallegt hár og vil hafa
það frekar sítt. Gefðu mér nú
gott ráð.
Bless. Bíbí.
Hafa ber i huga að feitt hár
stafar ekki síst af „innri”
ástæðum. Fituframleiðslu hár-
svarðarins er stjórnað af líkam-
anum og oft getur verið erfitt að
átta sig á hvað veldur offram-
leiðslunni. Vandaðu mataræðið.
Slepptu feitum mat, sælgæti og
kökum og minnkaðu við þig mat
sem inniheldur olíu. Daglegur
hárþvottur skaðar ekki hárið ef
notað er milt sjampó fyrir feitt
hár. Mikið nudd á hársverðinum
getur örvað fitumyndun.
Nuddaðu því varlega og ekki of
mikið. Vatnið má ekki vera of
heitt. Mild hárnæring fyrir feitt
hár er ágæt til notkunar að
loknum þvotti. Skolaðu
næringuna vandlega úr á eftir.
Þeir sem eiga við þetta
vandamál að stríða ættu að eiga
í fórum sínum svokallað
þurrsjampó. í neyð getur verið
ágætt að grípa til þess og má þá
oft fresta hárþvotti um einn dag.
Ótrygg vinkona
Elsku ómissandi Póstur.
Nú verð ég að spyrja þig
ráða. Um daginn heimsótti ég
vinkonu mína sem á heima í
bæ, en ég á heima í sveit (ég
gisti hjá henni). Um kvöldið
var hún alltaf að tala við ein-
hverja vini sína í síma eða þá
að þeir komu til hennar og ég
mátti ekki heyra neitt. Seinna
um kvöldið sagðist hún aðeins
ætla út í sjoppu. Þá var
klukkan rúmlega 9 en svo
birtist pæjan ekkifyrr en
klukkan I og kom þá með
svakalega afsökunarbeiðni og
lygasögur um það hvar hún
hefði verið. En þá var ég búin
að frétta að hún hefði verið í
partíi og það var alveg pott-
þétt. Áður, eðafyrir um einu
eða tveimur árum, stal hún frá
mér svolitlu sem ég safna og
hún líka. Einnst þér þetta ekki
ómerkileg manneskja ? Á ég að
hætla að vera með henni? Eg
vona að þú látir Helgu ekki éta
þetta bréf fyrr en þú ert búinn
að svara því — og þá má hún
bryðja.
Bæ, bæ. Ein _
P.S. Egfyrirgef henni aldrei að
hún skyldi stela frá mér.
Svarið fer að sjálfsögðu eftir því
hversu góðar vinkonur þið eruð.
Ef þetta er mjög góð vinkona
þin sem þú hefur þekkt lengi
ætti að vera hægt að ræða
málið við hana. Ef til vill hefur
hún eitthvað sér til málsbóta
sem þú getur fyrirgefið. Alltaf
ber eitthvað út af í samskiptum
fólks en því má yfirleitt kippa í
lag með góðum vilja. Þið virðist
búa nokkuð langt hvor frá
annarri. Það gæti átt sinn þátt í
því að vinátta ykkar er farin að
dofna. Nýir vinir og ný áhuga-
mál eru komin til sögunnar.
Pósturinn dregur þá ályktun af
bréfi þínu að einhver þreyta sé
komin í sambandið og að vel
gæti komið til greina að þú
hættir því alveg. Líklega hefur
þú sömuleiðis eignast nýjar
vinkonur. En Póstinum finnst
rétt að undirstrika að þú sjálf
verður að vega og meta gildi
vináttunnar og taka ákvörðun.
Eins og þú sérð hafði Helga
ekki lystábréfinu.
Strákurinn talar
ekki við mig
síðan
Kæri Póstur.
Mér finnst Vikan góð en
Pósturinn ber af. Eg hef aldrei
skrifað þér áður og vona því að
þú svarir mér.
Eger 16 ára og ekki byrjuð
á túr. Er það eðlilegt? Þannig
62 Vlkan 3. tbl.