Vikan - 15.01.1981, Blaðsíða 45

Framhaldssaga
hann. „Ég vil ekki vera að reka á eftir
þér en þú hefur eflaust heyrt um rigor
mortis. Eftir klukkustund eða svo
verður herra Marsh erfiður viðfangs.”
Ég fann hvernig mér rann kalt vatn
milli skinns og hörunds. Mér hafði ekki
dottið þetta í hug en nú tók ég að hug-
leiða það. Marsh hafði verið troðið
samanhnipruðum i farangursgeymslu
bilsins míns. Likami hans gæti fest þar
þegar hann stirðnaði. Mér varð óglatt
viðtilhugsunina.
Ég settist gegnt honum.
„Ég drap hann ekki." sagði ég.
„Meðan við slógumst barði einhver mig
í höfuðið. Þessi einhver hlýtur að hafa
drepið hann meðan ég var meðvitundar-
laus.”
„Herra Lucas.” sagði hann þolin-
móður. „sem stendur skiptir það
minnstu hver drap hann. Staðreyndin er
sú að hann er í farangursgeymslunni
þinni og þar getur hann ekki verið öllu
lengur. Viltu fá aðstoð mina eða ekki?”
„Hver ertu? Hvers vegna býðurðu
mér aðstoð?"
„Ég heiti Klaus: K-l-a-u-s.” Hann
stafaði það. „Ástæðan fyrir þvi að ég
kýs að hjálpa þér er sú að ég hef fylgst
með þér á framabrautinni og finnst
athyglisvert hve vel þér hefur tekist upp.
Mér fyndist það ákaflega dapurlegt ef þú
misstir allt sem þú h'efur byggt upp og
barist fyrir.”
„Ekki reyna að telja mér trú um að þú
bjóðist til að aðstoða mig án þess að fá
eitthvað i staðinn. Hvað viltu fá?”
Hann lyfti smáum brúnum höndun-
um og lét þær aftur falla i kjöltu sina.
„Auðvitað vil ég fá eitthvað en það
getum við rætt siðar. Vandinn sem við
er að etja núna er að losna við líkið af
Marsh. Ég hef samtök til að fjalla um
slík neyðartilfelli. En þú vilt ef til vill
ekki þiggja aðstoð mina. Þú getur annað
tveggja hringt ílögreglustjórann og verið
viss um að verða ákærður fyrir morð eða
þú getur reynt að losa þig sjálfur við
skrokkinn. Þitt er valið. hr. Lucas. Ég
fullvissa þig um það að ef þú afþakkar
boð mitt um aðstoð muntu ekki heyra
frá mér framar. Þú ræður þessu alger-
lega sjálfur.”
„Hvað viltu að ég geri? Ég verð að fá
að vita það!”
„Að þú gerir mér greiða en ég er ekki
reiðubúinn að ræða það fyrr en síðar.”
„Ég verð að fá að vita það!
ímyndarðu þér að ég sé svo heimskur að
ég myndi skipta við þig án þess að vita
hvers konar verslun ég er að ráðast í?
sagði ég og hækkaði róminn.
Enn lyfti hann smáum brúnum
höndum.
„Ég skil það þá svo að þú kærir þig
ekki um aðstoð mína.” Hann stóð upp.
„Ég fer þá. Þú ættir að hafa hraðan á.
herra Lucas. Það verður bráðlega óger-
legt að fást við skrokkinn. Gleymdu ekki
að kaupa skóflu, þó ég viti ekki hvar þú
ætlar að gera það á sunnudegi. Ég leyfi
mér að stinga upp á því að öruggast sé
að grafa hann hjá Ferris Point, en þú
verður að flýta þér. Gangi þér vel."
Hann gekk I átt til dyra.
Ég hugsaði hratt. Meðan hann gekk að
dyrunum flugu mér í hug allar erfiðu
vinnustundirnar sem fóru í uppbyggingu
fyrirtækisins okkar. Ég hugsaði um
stöðu mína sem betri borgara í Sharn-
ville. Ég hugsaði um Bill Dixon. Svo
hugsaði ég um sjálfan mig i ökuferð til
Ferris Point. grafa þar gröf ef ég gæti
haft uppi á skóflu, draga líkið úr
farangursgeymslunni og dröslast með
það að gröfinni. Tilhugsunin ein um að
snerta feitan blóðugan líkamann setti i
mig hroll.
Ég fullvissa þig um aö ef þú afþakkar
boð mitt um aðstoð eða reynir sjálfur að
losa þig við likið muntu ekki hevra frá
mér framar.
Það gat svo sem hugsast að ég myndi
ekki heyra frá honum framar en hann
þurfti ekki að gera annað en að hringja
nafnlaust til lögreglustjórans og þá væri
ég búinn að vera.
Greiði?
Hvað skyldi það merkja? En ég var
kominn I slíkt uppnám að ég skeytti þvi
engu.
„Bíddu,” sagði ég ákafur.
Ég varð að losna við likið! Ég varð að
fá aðstoð hans! Þegar ég væri laus við
skrokkinn væri ég kominn í betri
aðstöðu til að fást við þennan mann.
Þegar ég vissi hvað hann vildi gat ég
hugsað upp leið til að leika á hann. Ég
varð að fá tima til að hugsa!
Hann nam staðar við dyrnar og leit á
mig.
FIDEUTY STEREO SAMST/EÐAN
Sérstök hljómgæöi, hagstætt verö.
Innifaliö í veröum: Útvarp meö
k L-M-S-FM bylgjum, plötu-
spilari, magnari, segul-
|ffe band og 2 hátalarar.
Wt Gerö MC5
garö MC 6 meö dolby'kerfi
gerö 4-40
gerö 5-50 meö dolby kerfi
FIDELITY
Sérstök hljómgæði
PANTIÐ MYNDALISTAI SIMA: 19294
RAFIÐJAN H.F.
Kirkjustræti 8 Sími: 19294
3. tbl. Vlkan 45