Vikan - 03.06.1982, Blaðsíða 63

hvíta strikið yfir nefið og í
sjóræningjabúningnum.
Nokkrar spurningar:
1. Eru Adam and the
Ants að hætta?
2. Hefur þetta plakat
komið og hvenœr?
3. Er hægt að kaupa
eldri Vikur í Vikuhúsinu?
4. Gætuð þið birt
plakatið aftur og hvenær?
Svör. BG-
1. Adam er búinn að
skipta um meðlimi í
hljómsveitinni.
2. Plakatið hefur ekki
verið birt af Adam í þeim
fötum vegna þess að það
er ekki hægt að birta oft-
myndir af sama mannin-
um í mismunandi klæðn-
aði.
3. Það er hægt að
kaupa flestar eldri Vikur í
Þverholti 11.
Áfram, stelpa,
þú ert á réttri
braut
Elsku besti, frábæri og
svargóði Póstur!
Eg hef aldrei skrifað
áður en passaðu þig á að
láta Helgu hafa þetta bréf
fyrr en þú ert búin(n) að
birta það vegna þess að ef
þú gerir það getur staðið í
henni og hún kafnað.
Þá er best að koma sér
að efninu. Það er nefni-
lega þannig að ég er alveg
ofboðslega hrifin af strák
sem við getum kallað X.
Hann er einu ári eldri en
ég. Ég er búin að vera
hrifin af honum síðan í
október '81. Ég er alveg
örugg á því að ég verð
hrifin af honum í ár í við-
bót að minnsta kosti.
En elsku Póstur, hvern-
ig á ég að vita hvort hann
er hrifinn af mér eða
ekki? Og hvernig get ég
fengið að vita það? Hann
er alveg frábær og ég hef
boðið honum nokkrum
sinnum í dans á diskótek-
um og hann segir alltaf:
,,Já, hvort ég vil" eða
,,alveg örugglega". Hann
er aldrei neitt fyrir dans
eðayfirleitt ekki.
Það þýðir samt ekkert
fyrir þig að segja mér að
spyrja hann bara um
þetta, hvort hann sé hrif-
inn afmér eða ekki, vegna
þess að ég er dálítið feim-
in við hann og ég verð að
vita þetta.
Svo er það auða blaðið,
það er handa Helgu. Eða
finnst henni þau vond?
Þakka allt garnalt og gott
og skilaði sumarkveðju til
allra sem vinna við svona
frábært blað sem Vikan
er■ Ein í vanda.
P. S. Hvað kostar að vera
áskrifandi að Vikunni?
Vikan er langbesta blað á
öllu Islandi.
Já. Það getur verið erfitt
að þvinga drenginn til að
segja skoðun sína á þessu
máli úr því að hann er
ekki nú þegar búinn að
því. En Pósturinn er hrif-
inn af því að þú skulir
ekki sitja með hendur í
skauti heldur lætur þú til
skarar skríða, býður honum
upp í dans og hvaðeina.
Hvernig væri að bjóða
honum í bíó næst? — I
málum sem þessum verður
að láta feimnina sigla
lönd og leið. En ef
drengnum er svona tregt
um tungu verður þú að
reyna að skilja hug hans af
öðru. Til dæmis hvernig
hann horfir á þig. Hvað
hann segir við þig og svo
framvegis. Ef til vill er
hann miklu feimnari en
þú og þá verður þú bara
að hjálpa honum við að
gera upp hug sinn. —
Áfram, stelpa, þú ert á
réttri braut.
Áskrift að Vikunni kost-
ar 110 kr. á mánuði.
Ég er pörik en
ekki diskófrík!
Sæll Póstur.
Eg er hér ein sem lang-
ar til að fá svar. Svo er
mál með vexti að ég er svo
hrikalega leiðinleg. Eða
svo finnst öllum. Sko, ég
er pönkari, en það segja
allir að ég sé diskófrík,
diskópönkari eða frí-
stundapönkari!!!
Þú mátt ekki misskilja
mig. En mér finnst svo
erfitt að sanna fyrir krökk-
unum að ég sé pönkan.
Sko, ef ég kem með ein-
hverja sjálfstæða hugsun
þá er hún kæfð niður og
ég kölluð heimskingi.
Hvað á ég að gera?
Hvað get ég gert?
Hvað eru Bubbi
Morthens og Daniel
Pollock gamlir?
Bæ, takk fyrir birt-
inguna fyrirfram.
Pönkari.
P.S. Ég er ekki Rod
Stewart aðdáandi. Ég.
Heldurðu að þú gerir
bara ekki einum of mikið
í því að sanna að þú sért
pönkari og það fari í taug-
arnar á fólki? Ef til vill
finnst því þú tilgerðarleg.
Veist þú sjálf hvað er að
vera pönkari? Pönkarar
nefndust hópar unglinga
sem komu fram í iðnaðar-
borgum Bretlands sem
eins konar andsvar krakk-
anna við því atvinnuleysi
og volæði sem hvarvetna
blasti við þeim. Út frá
þessu spratt víða mikil
tíska sem síðan hefur verið
kennd við pönk þótt ekk-
ert sé í rauninni sameigin-
legt nema ýmis yfírborðs-
atriði. Vertu bara þú sjálf.
Segðu skoðanir þínar
óhikað en vertu viss um
að það séu þínar skoðanir
en ekki annarra. Það er
ekki auðveldast að láta
eigin skoðanir í ljós, sér-
staklega ef þær ganga í ber-
högg við skoðanir meiri-
hlutans, en þú verður meiri
manneskja fyrir vikið.
Bubbi er 26 ára en
Daniel 19 ára.
P.S. Hver var að segja að
þú værir Rod Stewart að-
dáandi?
Skop
Eg sagöi ekki aö ég kynni illa viö
málverkið. Ég sagði að það væri aö
gera mig vitlausan.
22. tbl. Víkan 63