Vikan - 27.07.1989, Qupperneq 9

Fuglaskottis
Fjórir íslenskir og einn gestur
TEXTI OG MYNDIR:
RAGNAR LÁR
Raupari leggur oft leið
sína út á Suðurnes á
Seltjarnarnesi. Þar iðk-
ar hann, eins og margir fleiri,
hina göfugu golfíþrótt. Þeir
munu ekki vera margir golf-
vellirnir sem státað geta af eins
fjölbreyttu fuglalífi og völlur-
inn á „Nesinu", eins og kylfing-
ar nefha svæðið sín á milii.
Þarna á Suðurnesi er að
flnna hinar ólíkustu tegundir
fugla og eiga margar þeirra
hreiður sín á svæðinu. Að sjálf-
sögðu er krían sá fugl sem
mest ber á og verpir talsverð-
ur fjöldi hennar þar. Því er
ekki að leyna að krían skýtur
mörgum kylflngi skelk í
bringu, en það eru óskráð lög
að hún hefur forgang á þessu
landsvæði enda nam hún fand
löngu áður en Ingólfur og allir
hinir lögðu leið sína hingað.
En það er greinilegt að krían
sækist eftir sambýlinu við
manninn, ekki síður en æðar-
fuglinn en af honum er talsvert
á Suðurnesi. Þar verpa tjaldur
og stelkur og ýmsar smáfugla-
tegundir eiga hreiður sín á
Nesinu.
Þessu raupi fylgja nokkrar
skissur af fuglum en aðeins ein
tegundin, sem á skissunum má
sjá, á hreiður sín þar en það er
æðurin. Á meðan æðarkollan
situr þolinmóð á eggjum sín-
um spóka blikarnir sig í ná-
grenninu og hafa lítið fyrir líf-
inu, að því er virðist.
Álkan er fugl sem skyldur er
geirfuglinum sálaða og líkur
honum í útliti. Álkan á hreiður
sín í björgum og sést lítið á
Reykjavíkursvæðinu. Sömu
sögu er að segja um lundann
en hann er nytjafugl á nokkr-
um stöðum á landinu enda
góður til matar.
Gæsir sjást stundum á
Suðurnesi, en ekki veit raupari
til þess að gæsir geri sér hreið-
ur þar.
Loks skulum við líta á
hegrann. Hegri flækist stund-
um til íslands en á ekki heim-
kynni hérlendis. Fyrir tveim
árum sá raupari hegra við
vatnsbólin ofan Elliðavatns.
Hann óð þar í lækjarsprænu en
flaug á brott er hann styggðist.
Eins og skissan sýnir er hegr-
inn spekingslegur og nokkuð
spjátrungslegur þar sem hann
stendur á öðrum fæti í grunnu
vatninu.
KROSSGATUBLAÐIÐ
AFÞREYING FYRIR ALLA
KROSSGÁTUR - GETRAUNIR - ÞRAUTIR - BARNAEFNI - SKOP - GÁTUR
15. TBL. 1989 VIKAN 9