Vikan - 02.12.1993, Blaðsíða 40
VIÐTAL
rennandi áfengis- og fjöl-
skylduráðgjöfum.
„Ég ætla aö halda nám-
skeið fyrir foreldra sem hafa
áhyggjur af börnum sínum og
styðst þá við bókina sem ég
hef verið að vinna að. Útgef-
andinn minn kom því svo fyrir
að fyrsta námskeiðið var hald-
ið helgina 13.-14. nóvember í
húsi Stjórnunarfélagsins. Það
stendur frá klukkan 10-18 tvo
daga. Námskeiðið er auðvitað
einkum ætlað foreldrum,
hverra börn eru komin í
stjórnlausa neyslu, en ekki
síður þeim sem hafa áhyggjur
af því á hvaða leið börnin
þeirra eru. Það er byggt á
fyrirlestrum og samvinnu og
bókin fylgir með enda er hún
frábært vinnuplagg.
Foreldrar þurfa svo mikla
hlýju, skilning og ekki síst
tíma. Það er allt öðruvísi að
vera foreldri alkóhólista en til
dæmis maki. Það er miklu
sárara og því fylgja gjarnan
sjálfsásakanir og sektar-
kennd. Alkóhólisminn sýkir
alla fjölskylduna og enginn í
alkóhólískri fjölskyldu hagar
sér samkvæmt sínum siðalög-
málum eöa í samræmi við
það sem hún eða hann vill.
Brjálæðið verður eðlilegt
ástand. Það hefur ekkert með
sálarstyrk að gera, ekkert
frekar en að siðferðisstyrkur
stjórni því hver fær niðurgang
eða hjartaáfall.
(slendingar eru svo óttalega
fastir í því að manneskjan sjái
að sér og fari af sjálfsdáðum í
meðferð. Þetta var viðtekin
kenning áður fyrr, í árdaga ef
svo má segja, en það hefur
bara svo margt breyst, þekk-
ing hefur aukist og alltaf má
gera betur. Þetta á ef til vill
við um fulloröið fólk, yfirleitt
fer enginn í meðferð fyrr en
kvölin er oröin svo mikil að
hún er óbærileg og dauðinn
blasir við. Það er allt annað
með unglinga. Þetta er erfið-
ara fyrir unglingana vegna
þess að þeir hafa ekki þroska
til að sjá betra líf handan
vímunnar og skilja ekki nógu
vel að það er gott að vera
allsgáður og hreinn. Sjúkdóm-
urinn þróast líka miklu hraðar
hjá börnum og unglingum,
það eru allt aðrar viðmiðunar-
reglur sem gilda þar.
í Bandaríkjunum voru ung-
lingarnir hreinlega dæmdir í
meðferð og ef þeir vildu ekki
sæta henni beið þeirra fang-
elsi með öllum sínum óhugn-
aði. Flestir völdu meðferðina
og mörgu mannslífinu var
bjargað. Kannski þarf hver og
einn að hitta sinn botn en það
má færa botninn ansi mikið
upp. Við verðum að muna að
það er við banvænan sjúk-
dóm að eiga og hann tekur
fleiri líf, ung og gömul, en viö
erum tilbúin að viðurkenna.
Þessi sjúkdómur er engum
að kenna, foreldrum hefur
ekki mistekist við uppeldið,
eru ekki vont fólk. Það eru all-
ir fórnarlömb. Sjúkdómurinn
er ekki áunninn með atorku-
samri drykkju! Það ætlar sér
enginn að missa stjórn á öllu
lífi sínu, tapa öllu sem honum
er heilagt, særa ástvini og
skilja eftir sig rjúkandi rústir.
En þannig endar ef ekkert er
að gert. Allir geta tekið á mál-
unum, það þarf alls ekki að
vera fíkillinn sem byrjar. Þessi
setning: „Flann er ekki tilbúinn
að gera neitt,“ er bara enn ein
réttlæting meövirkninnar til að
halda öllu í sama farinu.
Þannig björgum við ekki
mannslífum en það er nú
kannski það sem þetta snýst
allt um þegar öllu er á botninn
hvolft.
Ég væri ekki lífs í dag ef
ekki væri fyrir Al-Anon sam-
tökin, tólf spora kerfið bjargaði
lífi mínu. Ég þurfti svo sem að
bera mig eftir því og vinna
heimavinnuna mína en það
hefur gefið mér miklu meira
en ég nokkurn tímann bjóst
við. Þessi sjúkdómur hefur
tekið frá mér það sem mér
hefur verið kærast en hann
eða endurbatinn frá honum
hefur líka gefið mér í staðinn
annað enn dýrmætara, sjálfa
mig. Núna get ég litið í spegil-
inn og brosað til hennar
Systu."
Þetta segir Systa og brosir
um leið, prakkaralega. Það er
eins og blaðamaður sé sestur
á skólabekk. Það opnast
heimur sársauka og vona.
Flett er upp í bókum er fjalla
um efnið og einnig lætur mað-
ur freistast til að rannsaka
nánasta umhverfi sitt á nýjan
hátt. Hvernig er hægt að
verða miðaldra, hafa alkóhól-
isma allt í kringum sig og vita
ekki bofs um málið. Það er
einmitt einkennið á honum -
að fela, vilja ekki viðurkenna,
að sjá svo undur illa að ein-
hver finnur til. Jafnvel þú
sjálfur. □
/ JMA- l/ECxi 5 jÍ&LÍ iiWAifKA- tU-jb&i DR'IKKS rjfiur Boke- f\Nti SfiKiJtUL TLfíT Stófum ÞRe'itt- /
jjr < £7" V. v
7 7 V
/ ' / ÖEitÆ Ei'4LaJAST &A HK. 'm\lö d'OK (STu/úti /T aJ l / l * > (,
SKAfiFflK LBiBft TUA/ajA z > V > —y-—-
(5.ARG HdLRRA He4£> z' > >
KR'oK Z EiA/5 Ki/Ea/a//) « / 3 > , / • > 1 f 1/
/ —v V V 5- ^ V RFA
uan> > í 4Í?E/UV£> 5T >
/ l 3 f r 6 7 ELb- 6me i
Lausnarorð í síðasta blaði: NAUST
40 VIKAN 24.TBL. 1993