Vikan - 01.08.1994, Side 12

LitameAferðin á að hjálpa
sjúklingunum að finna
sömu ró innra meö sér og
litirnir hafa til að bera.
Þeir eru hvattir til að mála
slétta og fellda fleti. Ef
þeir fá aö tjá sig frjálst
koma hvassir tindar úr
sálarlífinu strax í Ijós.
Tónmeöferö á að stuðla
að innra jafnvægi sjúkl-
inganna.
1 2 VIKAN 6. TBL. 1994
heiðskíru lofti.“ I lítilli bók um
læknismeðferðirnar á Lúkas-
sjúkraheimilinu segir: „Krabbi
er brosið sem ekki var bros-
að og tárið sem ekki var
grátið.“
Sjúklingarnir borða morg-
unverð í herbergjum sínum
en hádegis- og kvöldverð
sameiginlega. Það er borin
fram grænmetisfæða en
þeir, sem eru háðir kjötmeti,
geta fengið það einu sinni
eða tvisvar í viku og borða
þá uppi á herbergi. „Mann
langar ekki í kjöt ef maður
hugsar um hvernig farið er
með dýrin,“ sagði frú Krazer,
ritari yfirlæknisins. „Og hver
hefur lyst á fiski upp úr haf-
inu, ruslatunnu alheimsins?"
Hún flutti borðbæn úr rit-
um Rudolfs Steiner fyrir há-
degisverðinn. Ætiþistilssúpa
og ofnréttur með osti og
soðnu spínati voru í matinn.
Sjúklingunum er raðað niður
í ný sæti í hverjum matmáls-
tíma. Þannig kynnast þeir
fleirum. Það er ekki ætlast til
þess að þeir tali um sjúkdóm
sinn við matarborðið. Frú
Krazer og gestur úr kirkju-
samfélagi Rudolfs Steiner
sögðu sögur af stálhraust-
um, háöldruðum ættingjum
sínum og sjúklingarnir
hlýddu hljóðir á.
Flestir þeirra eru Sviss-
lendingar eða Þjóðverjar.
Þó koma sjúklingar á Lúkas-
sjúkraheimilið úr öllum
heimshornum. Þýska
sjúkrasamlagið borgar fyrir
meðferðina þar en það hefur
undanfarið reynst æ erfiðara
að sannfæra svissnesku
tryggingarnar um að með-
ferð á Lúkas-sjúkraheimilinu
sé nauðsynleg. Þær eru að
spara og borga frekar hefð-
bundnar lækningar. íslenska
ríkið borgar ekki dvöl á
sjúkraheimilum erlendis,
samkvæmt upplýsingum
T ryggingastofnunarinnar.
Dvöl með læknismeðferð-
um kostar 15.000,- til
32.000,- ísl. krónur á dag á
Lúkas-sjúkraheimilinu eftir
því hvernig herbergi er val-
ið. Þar er hvorki útvarp né
sjónvarp til að spilla friðnum
en sjúklingar geta litið í dag-
blöð í setustofunni. Öll her-
bergin eru yfirleitt upptekin.
Þeir, sem hafa krabbamein
á byrjunarstigi, hafa for-
gang. Líkurnar á að hægt sé
að hjálpa þeim eru meiri en
hjá þeim sem eru langt
leiddir. □