Menntamál - 01.08.1942, Síða 14

4
MENNTAMÁL
Handíðaskólfnii
Stofnun Handíðaskólans
í Reykjavík er einhver
merkasta skólanýjung hér
á landi á síðustu árum.
Skólinn var stofnaður á
umbrotaárinu 1939, þegar
ófriðareldurinn sauð undir
iljum manna á öllu megin-
landi Norðurálfunnar, og
váleg tíðindi bárust utan
úr hinum víða heimi. Hér
á landi virtist allt vera á
hægri en jafnri niðurleið,
sökum fjárskorts og fyrir-
hyggjulítillar forustu í
landsmálum. Það var því
stórhugur nokkur að ráð-
ast í stofnun skóla, sem
byggði tilveru sína að mestu leyti á áhuga almennings
fyrir hagnýtum störfum og listrænum viðfangsefnum.
Stofnandi Handíðaskólans var Lúðvíg Guðmundsson,
þekktur og góðkunnur skólamaður, sem um nokkurt skeið
hafði verið skólastjóri Gagnfræðaskólans á ísafirði og
komið þar á margskonar nýbreytni og framförum. Áður
hafði Lúðvíg verið skólastjóri Hvítárbakkaskólans.
Lúðvíg Guðmundsson sagði nú upp starfi við Gagn-
fræðaskólann á ísafirði, fluttist til Reykjavíkur og sendi
út boðsbréf um stofnun hins nýja skóla. Samkvæmt boðs-
bréfinu var tilgangurinn með stofnun skólans þessi:
1. Að veita kennaraefnum og kennurum við barna- og
unglingaskóla landsins aðstöðu til að fá þar staðgóða
Lúðvíg Guðmundsson