Menntamál - 01.08.1942, Qupperneq 65

MENNTAMÁL
55
A ¥Íð og- dreff
Útvarpskennsla.
Eftirfarandi tillaga var samþykkt á að'alfundi Kennarafélags Suður-
Þingeyinga 9. júní 1942:
Aðalfundur Knf. S.-Þing. lýsir yfir því, að hann teldi æskilegt, að
stjórn S. í. B. gengist fyrir því, að valdir kennarar yrðu fengnir til
þess að hafa kennslu barna um hönd í útvarpstimum. Gæti það
orðið nokkur stuðningur fyrir kennara og foreldra barna úti um land
að hlusta á slíka kennslu. Sig. Gunnarsson.
Húsmæðraskólinn
nýi í Reykjavík hefur nú lokið fyrsta starfsári. Forstöðukona er
frk. Hulda Stefánsdóttir.
Námsstjórarnir
hafa lokið störfum fyrir skólaárið 1941—1942. Á öðrum stað í rit-
inu er skýrsla um störf þeirra.
Fréttir frá barnaskólanum á Eskifirði.
Skólinn hefur starfað að undanförnu í 10 mánuði, en nú á þessu
ári var starfstími hans styttur um einn mánuð. 112 börn stunduöu
nám í skólanum síðastliðið starfsár, þar af útskrifuðust 15 nú í vor.
Hver kennsludagur hófst með þvi, að kennarar og þau börn, sem
dvöldu í skólanum fyrir hádegi, komu saman í einni kennslustofunni.
Lásu þá bömin upp valin kvæði og sungu sálma og ljóð.
Síðasta kennsludag fyrir jól komu börn og kennarar saman í leik-
fimisal skólans, var þá lesið upp, sagðar sögur og sungið. Jólablær
hvíldi yfir samkomunni.
Síðasta kennsludag fór fram leikfimisýning fyrir foreldra.
Á sumardaginn fyrsta fóru börnin í skrúðgöngu um kauptúnið,
undir bekkjarfánum og íslenzkum fánum. Staðnæmst var við barna-
skólann, þar flutti skólastjóri ávarp til foreldra og annarra við-
staddra.
30. apríl fóru franr skólalausnir; þá fór einnig fram sýning á
skólavinnu barnanna. Margir foreldrar mættu við skólaslit og á
sýningunni.