Menntamál - 01.09.1945, Blaðsíða 3

MENNTAMÁL
XVIII., 5
SEPTEMBR
1945
1
Sigufður Thorlacius látinn
Einn af hinum bezt menntu skólamönnum landsins og
forystumönnum kennarastéttarinnar, Sigurður Thorla-
cius, skólastjóri Austurbæjarskólans í Reykjavík, lézt
17. ágúst s.l., 45 ára að aldri. Hann var fæddur á Djúpa-
vogi 4. júlí 1900, sonur Ólafs Thorlaciusar læknis og konu
hans, Ragnhildar Pétursdóttur Eggerz. Hann tók stúdents-
próf 1922 og próf í forspjallsvísindum og kennarapróf
1924. Var næstu 3 ár við unglingakennslu og sjómennsku
austur á Djúpavogi. Stundaði síðan nám í uppeldisfræði og
barnasálarfræði við Rousseau-stofnunina í Généve í Sviss
og tók fyrri hluta prófs þaðan 1929. Kenndi við Laugar-
vatnsskólann 1929—30. Var skipaður skólastjóri við
Austurbæjarskólann haustið 1930. Tók síðara hluta prófs
við Rousseau-stofnunina 1931. Kvæntist 1929 Áslaugu
Kristjánsdóttur bónda í Fremsta-Felli í Suður-Þingeyjar-
sýslu, Jónssonar. Þau áttu 5 börn.
Sigurður gerðist skjótt atkvæðamaður í stéttarsam-
tökum kennara. Hann var fyrst kosinn í stjórn Sambands
íslenzkra barnakennara 1934 og jafnan endurkosinn síð-
an. Formaður Sambandsins var hann 1937—42. Hann var
ritstjóri Menntamála 1936—40*, og ritaði bæði þá og
endranær mikið í ritið. Voru margar greinar hans mjög
ýtarlegar og báru glöggan vott um þekkingu hans og lær-
dóm í uppeldisvísindum og sálarfræði barna. Einnig hafa
* Það er villa, sem stendur á 155. bls. síðasta árgangs Mennta-
mála, að Sigurður hafi orðið ritstjóri Menntamála 1937, og eru
lesendur beðnir áð leiðrétta það.