Menntamál - 01.09.1945, Blaðsíða 39

MENNTAMÁL
149
móttökurnar. — Ákveðið var, að næsti fundur yrði haldinn í Suður-
Þingeyjarsýslu.
Snorri Sigfússon námsstjóri
flutti snjallt erindi um nokkur atriði skólamála í útvarpið 31.
ágúst s.l. Var það framsöguerindi það, sem hann flutti á ársfundi
presta og kennara á Hólum í sumar. Sagði liann meðal annars, að
mannrœktin væri mikilvægasta starf allar skólastofnana. Farskólana
taldi hann með öllu úrelta og væri það óumflýjanleg nauðsyn að
stofna velútbúin skólaheimili — heimavistarskóla — í sveitúm lands-
ins, og mættu íbúar þeirra engan veginn sætta sig við minni kröfur
fyrir sína hönd og barna sinna.
Arngrímur Kristjánsson skólastjóri
er kominn heim úr ferðalagi sínu erlendis. Hann liefur lengst af
dvalið í Englandi, en til Noregs fór hann um leið og norska ríkis-
stjórnin kom heim úr útlegðinni. Norsk Skuleblad birti 30. júní s. 1.
grein eftir liann um íslenzk skólamál. Greininni fylgdu myndir af
Arngrími og Melaskólanum nýja.
Um barnavernd í Reykjavík
skrifar Jónas B. Jónsson fræðslufulltrúi mjög rækilega í Morgun-
blaðið 29. og 31. maí s.l. Sýnir hann þar fram á, að þörf sé skjótra
og raunhæfra aðgerða í þeim málum og nefnir einkum þrennt, sem
gera þurfi:
Setja ný lög, sem skapa barnaverndarnefndum ákveðnara og meira
vald og betri starfsskilyrði.
Auka starfslið barnaverndarnefndar Reykjavíkur.
Starfrækja upptökuheimili fyrir pilta og stúlkur, og koma upp
heimavistarskóla í nágrenni Reykjavíkur fyrir þau skólaskyld börn,
sem ekki eiga samleið með öðrum börnum í skólanum.
Skúlablaðið
3 fyrstu hefti yfirstandandi árgangs hafa verið send Menntamálum.
Kennarafélag Færeyja gefur blaðið út, en í því eru nú 156 félags-
menn. Ritstjórar eru Marius Johannesen, Mikladali, og Jacob M.
Kjeld, Tórshavn. Blaðið er í nokkru minna broti en Menntamál og
kemur út 6 sinnum á ári, 20 bls. hvert hefti. Það er ritað af fjöri og
jtrótti og flytur góðar greinar og ber gott vitni um menningaráhuga
stéttarbræðra okkar í Færeyjum. íslenzkir kennarar gætu efalaust
haft gagn af að kaupa blaðið og lesa. Utanáskrift þess er: Skúlablaðið,
c/o J. M. Kjeld, Tórshavn.