Menntamál - 01.12.1948, Page 11

MENNTAMÁL
117
Veitt hefur verið hálf milljón til skólans og er það fé í
byggingarsjóði.
Farið hefur verið fram á hálfa milljón á næstu fjárlög-
um, hvernig sem þeirri beiðni reiðir af.
skólamál.
Fyrri grein.
Þess var getið í síðasta hefti Menntamála, að Svíar hefðu miklar
fyrirætlanir á prjónunum um endurbætta og aukna fræðslu. Hefir
verið gengið frá víðtækum tillögum og álitsgerðum um þessi mál,
og er fyrirhugað, að næsta þing fjalli um þessar tillögur. Álitsgerðir
þeirra nefnda, sem unnið hafa undirbúningsstarfið, eru prentaðar á
4—5000 blaðsíður, svo að sitthvað hafa þær haft að segja. En ritari
þeirrar nefndar, sem gekk frá sjálfum tillögunum, Stellan Arvidson
rektor, hefur samið bækling, þar sem hann dregur saman höfuðatriði
nefndarálitsins. Verður frásögn hans lögð til grundvallar f grein-
um þeim, sem hér birtast.
Aðaleinkennið á þjóðfélagsþróuninni nú um heillar ald-
ar skeið hefur verið sívaxandi hlutdeild tækninnar í fram-
leiðslunni. Jafnframt þessu hefur lýðræðislegt stjórnarfar,
sem rutt hefur sér æ meir til rúms í Svíþjóð, lagt öllum al-
menningi þyngri skyldur á herðar. Einstaklingnum er
þörf á miklu meiri kunnáttu en áður. Vinnan er vanda-
samari, og hið lýðræðislega stjórnarfar krefst þess, að hann
geti fylgzt með gangi almennra mála, að hann hafi viðsýni
og þekkingu á þjóðfélagsmálum til að bera.
Aukin hagsæld hefur einnig gert það kleift að veita vax-
andi kynslóð betri menntunarskilyrði og gefa öllum þorra
manna kost á auðugra menningarlífi. Svo er þessu háttað
í Svíþjóð. En um víða veröld hefur lýðræðið átt í vök að