Menntamál - 01.12.1948, Side 12
118
MENNTAMÁL
verjast. Sænska nefndin hefur það því ríkt í huga, að
skólarnir séu færir um að innræta nemendum sínum hug-
sjónir og siðferði lýðræðisins, svo að það megi verða á
bjargi byggt. — í þessu sambandi telur nefndin verða að
brjóta menntunareinokun efnastéttanna á bak aftur og
gefa öllum velgefnum unglingum kost á skólanámi.
Enn fremur felur þetta í sér, að skólarnir gefi hverjum
einstaklingi meiri gætur en tíðkazt hefur og veiti sér-
hverjum fræðslu og uppeldi í samræmi við eðlisfar hans.
Nefndin telur, að sú líkamsvernd, sem sænskir skólar veita
nemendum sínum nú, sé mikil og góð, en vant sé andlegrar
heilsuverndar.
Nefndin leggur því fram tillögur um, að skólasálfræðing-
um verði séð fyrir hæfilegri menntun og þeim fengnar
stöður við skólana. Þeir eiga að annast meðferð þeirra
barna, sem víkja mjög frá eðlilegum og æskilegum háttum
í dagfari sínu og eiga við einhverja sérstaka erfiðleika að
stríða í náminu. Enn fremur skulu þeir annast sálfræði-
legar prófanir, vera til aðstoðar við niðurröðun í deildir
o. fl. o. fl.
Þá telur nefndin, að meginþungi hinnar andlegu heilsu-
verndar hljóti að verða lagður á herðar kennaranna, en
hún telur sænska kennara ekki hafa hlotið menntun til að
annast þann vanda. Hún leggur því höfuðáherzlu á það, að
hlutur barna- og unglingasálfræðinnar verði stórum aukinn
í undirbúningsmenntun kennaranna, svo að þeir verði
færir að dæma um andlegan þroska nemenda sinna og
skilja atferði þeirra. Meðal annars skulu þeir geta gert
sér grein fyrir því, hvort nemandanum er þörf sálarfræði-
legra lækninga.
Ef kennari annast andlega heilsuvernd nemenda sinna,
er honum nauðsynlegt að þekkja heimilishagi þeirra,
heilsufar og hæfileika, áhugamál og örðugleika, sem þeir
eiga við að etja, hvernig framförum þeirra er háttað og svo
fram eftir götunum. Með nemendurna á að fara sem ein-