Menntamál - 01.12.1948, Síða 16

122
MENNTAMÁL
það, að kunnátta barnanna sé allsendis ónóg. Telur nefndin
þó, að hún sé sízt minni en verið hafi. Það sé þjóðfélagið,
sem breytzt hafi, kröfur þess orðnar harðari og f jölþættari.
Menn hafi komizt að miklum gloppumí meðferðmóðurmáls-
ins bæði talaðs og ritaðs, menn krefjist undirstöðu-þekk-
ingar í helztu tungumálum nútímans, kunnáttu í verklegum
efnum er talið ábótavant og æskulýðurinn fái mjög ófull-
komna leiðsögn um völundarhús nútíma þjóðfélags. Mest
er talið bera á þessari síðast nefndu kvörtun. Eftirsóknin
í lélegar skemmtanir, nauða ómerkilegt lestrarefni, au-
virðilega músik, að ógleymdum kvikmyndunum, hvers
konar glingur til skreytingar á heimilum, allt er þetta talið
bera vitni harla lítilli menningu.
Tillögur nefndarinnar til þess að bæta úr þessu eru á
þá leið, að móðurmálskennsla verði aukin, að byrjað verði
að kenna 12 ára börnum ensku, að bætt verði við verklegu
kennsluna, þjóðfélagsfræði verði gerð að skyldugrein, mikil
áherzla verði lögð á að hjálpa unglingunum til að átta sig í
umheiminum, bókmenntir verði betur kylnntar, áukið
við kennslu í sögu, landafræði, líffræði, eðlisfræði og efna-
fræði auk þess sem fögrum listum verði gefinn miklu meiri
gaumur en áður.
En til þess, að þetta sé hægt, verður að lengja skólaskyld-
una. Og nefndin leggur til, að hún verði lengd um 2 ár, og
því 9 ára skólaskylda í landinu. Á. H.
Góður gestur.
Hér var á ferðinni í haust góður gestur, Hjálmar Bosson skólastjóri
frá Tarna í Svíþjóð. Ferðaðist hann milli ýmissa skóla og flutti fyrir-
lestra og sýndi kvikmyndir um starf lýðháskólanna.
Lýðskólana sækir aðallega fólk kringum tvítugsaldurinn. Hugsjón
skólanna er sú að veita alþýðu manna hlutdeild í æðri menningu.
Þeim er ætlað að vera nokkurs konar háskólar fyrir almenning. Nem-
endur, sem þangað koma, þurfa þvi að hafa öðlazt nokkurn þroska og
lífsreynslu til þess að geta haft gagn af dvölinni þar. Saga, þjóðfélags-
fræði og bókmenntir eru mjög iðkaðar í skólum þessum og yfirleitt
allt það, sem stuðlar að auknum skilningi á mannlegu lífi.