Menntamál - 01.12.1948, Blaðsíða 43

MENNTAMÁL
149
SITT AF HVERJU TÆI
Heimili og skóli.
í síðasta hefti (júlí—ágúst) Heimili og skóla birtust m. a. þessar
greinar: Geta skólarnir verið uppeldisstofnanir? (Hannes J. Magnús-
son); Að Hólum (frásögn af kennaramóti á Hólum í Hjaltadal); Aukið
samstarf heimila og skóla (Sig. Gunnarsson); Björn H. Jónsson sext-
ugur (H. J. M.); Hreinlæti skólabarna (Soffía Stefánsdóttir); Fyrsti
heimavistarbarnaskóli á Austurlandi; Snorri Sigfússon námsstjóri
heiðraður; Frá kennaramótinu í Stokkhólmi (Sn. S.).
Skýrsla Sveins Gunnlaugssonar skólastjóra um kvikmynda-
kennslu í unglinga- og barnaskólum á Flateyri
skólaárið 191+7—191+8.
Skólaárið 1947—1948 fékk cg lánaðar frá kvikmyndasafni Fræðslu-
málaskrifstofunnar 38 kennslumyndir. Þessar voru tegundir myndanna:
Teikni og gamanmyndir..................... 7
Landafræði og félagsfræði ............... 20
Náttúrufræði og heilsufræði .............. 7
Sögulegt efni ............................ 1
Iþróttamyndir ............................ 3
Sýningar í skólanum voru samtals 82 og svarar það til Jress, að kvik-
myndakennsla hafi verið 3 st. á viku allan námstímann.
Sökum óþægilegs húsnæðis var ekki hægt að koma kennslu Joessari
við í beinum kennslustundum, en sýningar fóru fram síðdegis, ýmist
í skólanum eða samkomuhúsi þorpsins, eftir ástæðum.
Kennslu hagaði ég þannig:
Venjulega sýndi ég myndirnar fyrst án allra skýringa, spurði svo
nernendur um þær þegar eftir sýningu hverrar myndar til Jress að
komast eftir því, hve mikið hefði náðst við fyrstu sýn. Ég komst á
Jrann hátt að því, að eftirtekt barna er furðu glögg, og ekki síður
sumra Jieirra, er örðugra eiga um bóklegt nám. Filman varð Jreim
betri en margar stundir við stirðan lestur námsefnis.
Er ég sýndi myndirnar í annað sinn, undirbjó ég timana rækilega og
skýrði myndina jafnóðum og ég sýndi, notaði til þess hljóðnema og
gelli í sambandi við vélina. Svo lagði ég fyrir nemendur, 10 ára og eldri,
að gera skriflega grein fyrir myndunum. Þetta fannst mér takast vel
og sumum ágætlega.
Ég tel kvikmyndakennsluna mikinn feng fyrir hvern skóla. Hver
not urðu af henni, kom ljóslega fram í prófum barnanna í landafræði
og náttúrufræði.