Menntamál - 01.08.1959, Qupperneq 72
166
MENNTAMÁL
samræma getu þessara barna. Sem dæmi má nefna, að í
reikningi geta þessi börn fæst farið yfir brot, að ekki sé
talað um þyngri verkefni, en brot er almennt farið að
kenna í 11 ára bekkjum. Hins vegar mun svo vera með
þessa grein, að hægt er að ná einkunn fimm, sem er lág-
markseinkunn við barnapróf í 12 ára bekkjum, þótt ekki
séu reiknuð á prófblaðinu önnur verkefni en aftur að
brotum, séu þau rétt leyst.
Námskrá óskólaþroska barna og þeirra í þeim hópi, sem
reynast varanlega tornæm, yrði þá sameiginleg fyrstu
skólaárin. í aðalatriðum yrðu börn þessi á öðru skólaári
sínu að nema námsefni í venjulegum 7 ára bekkjum. Þeg-
ar kemur í námsefni venjulegra 9 ára bekkja og eldri,
verður þó, að því er snertir tornæmu börnin, að gera
miklu víðtækari breytingar en fólgnar eru í því að flytja
námskrárefnið til um eitt ár. Það er því á allan hátt skyn-
samlegra að hverfa frá þeim hugsanagangi, að þessum
börnum sé seinkað um eitt eða tvö ár. Námsefni og náms-
krafa er einfaldlega löguð að hæfi þessara barna, án þess
að einblínt sé á aldur. Námskrá tornæmu barnanna á að
ná allt til loka skyldunámsins. Eins og nú er háttað, má
segja, að aðbúð tornæmu barnanna sé ábótavant í barna-
skólunum, en þó keyrir um þverbak í bekkjum unglinga-
stigsins. Hið sama má raunar segja um allstóran hóp
barna, sem eru treg til bóknáms, en geta þó ekki beinlínis
talizt tornæm. Sennilega væri heppilegast að tornæmu
börnin lykju skyldunáminu öllu innan veggja barnaskól-
ans, undir handleiðslu bekkjarkennara sinna.
Kennslustofur tornæmu barnanna þurfa að vera rúm-
góðar og nemendur ekki fleiri en 15—17 í bekk. Með
þeirri nemendatölu í bekk myndi venjuleg kennslustofa
vera hæfilega rúmgóð. Þá þarf ýms kennslutæki, sem að
jafnaði eru lítt notuð við kennslu í venjulegum bekkjum,
og er óþarft að rekja slíkt hér.